Аймақтар • 16 Қаңтар, 2018

Ел игілігіне айналған ғасыр жобасы

232 рет
көрсетілді
4 мин
оқу үшін

2005 жылы 14 мамырда Қазақстан электролиз зауы­ты­ның іргетасы қаланған болатын. Зауыттың алғашқы және екінші кезегін де Елбасы өзі келіп іске қосқан еді. Ел игілігіне айналған ғасыр жобасы бүгінде бір қала секілді, жарқырап алыстан көрінеді.

Фото: Валерий БУГАЕВ

Еуразиялық Топтың (ERG) құра­мындағы «Қазақстан электролиз зауы­ты» АҚ жаңа буын кәсіпорыны саналады. Ол жоғары сапалы өнім өндіруге мүмкіндік беретін, елімізде бастапқы алюминий өндіре алатын қазіргі заманғы технологиялармен жабдықталған алып өндіріс орны болып табылады. Еліміздегі индустрияландыру бағдарламасын жүзеге асыруда жасампаздықтың онжылдығына жеткен өндіріс орнының мерейтойы­мен құттықтауға Еуразиялық Топ, облыс басшылығы қатысты.

– Бүгінгі күні «Қазақстан электро­лиз зауыты» АҚ сияқты ерекше жоба­мен әр ел, әр қала мақтана алмас. Ал мен осындай ерекше жоба­ны Пав­­лодар өңірінде іске асыр­дық деп мақ­­таныш­пен айта ала­мын. Бірін­­­ші­­ден, бұл жоба Мемле­кет бас­шысы Нұрсұлтан Назарбаевтың қол­дауы­­мен жүзеге асты. Екін­шіден, Пре­з­и­­дентіміздің арман-жігерімен Қазақ­­станды гүлденген елдер қата­рына қо­су­­ға асыққан ұмты­лысының нәти­же­­сін­­де мүмкін бол­ды. Әрине, бастап­қыда қиын­­дықтар да кездесті. Тоқырау да бол­­ды, металл бағасы да түсіп кетті. Тіпті әлемдегі кейбір электролиз зауыт­­­тары жабылып та қалды. Бі­рақ «Қазақ­­стан электро­лиз зауыты» АҚ сы­­­­нақ­т­ан өтті. Неге? Өйткені зауыт жо­­­­ғары сапалы өнім шығарады, өнім­­­­нің өзіндік құны төмен, ал зауыт ме­тал­­­­лург­­тері, қызметкерлері өздері­нің жұ­­мы­­сына кәсіби тұрғыда шын беріл­­ген, – деді Eurasian Resources Group ди­­­рек­­­торлар кеңесінің төрағасы А.Машкевич.

Иә, айтса айтқандай, еліміз серпі­лісті жаңа даму дәуіріне қадам бас­ты. 2007 жылы желтоқсан айында 250 мың тонна бастапқы алюминий өндіретін жоғары қуаттылығы бар алып зауыттың алғашқы кезегі іске қосылғанын жоғарыда айттық. Елбасы Нұрсұлтан Назарбаев осы шара кезінде:

«Қазақстанның жеке өзінің алю­минийін шығару менің арманым еді. Бұл сіздердің де армандарыңыз бола­тын. Міне, сол арман орындалды. Қазақстан өзінің жоғары сапалы дайын алюминийін шығаратын дәре­­жеге жетті», деген еді. Зауыт­тың екін­ші кезегі 2010 жылдың 24 маусы­мында салтанатты түрде іске қо­сылды. Сол шарада Елбасы Нұрсұлтан Назарбаевтың «жалпы мұндай ірі зауыт салуға он-жиырма жыл уақыт қажет. Алайда электролиз зауытының әрбір кезегі небәрі екі жарым жыл ішінде салынды. Бұл осында жұмыс істеген құрылысшылардың, металлургтердің ерен еңбегінің үлгісі», дегені есімізде.

Сөйтіп зауыт жылына 250 мың тон­налық бастапқы алюминий өнді­ретін қуатқа қол жеткізді. Қазіргі уақытта зауытта заман талаптарына сай экологиялық қауіпсіз және ең соңғы технологияларды пайдалану арқылы прогрессивті алюминий өндіру технологиялары қолданылуда. Халықаралық стандарттарға сай отандық алюминий өндіруде. Өндіріл­ген бастапқы алюминий ресми түрде Лондон металл биржасында тіркелген.

Зауытта 20 келілік А8 және А85 маркалы алюминий кесектері дайындалады. Өндіріс орны халықаралық экологиялық талаптарға сай келетін жаңа заманауи құрал-жабдықтармен жарақталған. Технологиялық опера­ция­лардың тиімділігін арттыруға, электролиздердің жұмыстарына жү­­йелі мониторинг жүргізуге, газ таза­лағыш құрылғыларды, құю цехы мен көмекші нысандарды дер кезінде рет­­теуге мүмкіндік беретін жаңа зауыт­­­тың барлық технологиялық үр­діс­­тері ав­то­маттандырылған бас­қару жү­йе­­лері­мен бақыланады. Бұл күн­дері қазақ­стан­дық өндірістің үле­сін арт­тыруға, елдің, облыстың эспорт­тық әле­­уе­тін көтеруге және де қажетті өн­­д­і­рістер құруға, инфрақұ­ры­лымды да­мы­­туға, өзге де оң істерге жол ашылуда.

Бүгінде электролиз зауытында 2 537 адам жұмыс істейді. Олар жасаған өнімге құю цехынан соң Қазақстанда шығарылғанын білдіретін белгі соғы­лады. Электролиз зауытының салы­нуы республикамызда металлургия кластеріне жол ашып отыр, бұған дейін сазбалшық өндірумен шектеліп келген еліміз енді тың өндірісті толық игеруде. Алюминий құймасынан да­йын өнімдер де шығарылуда.

Зауыт – бұл біздің өміріміз. Біз­бен бірге 400-ден астам металлург әріп­тес­теріміз кәсіпорын ашылғалы бері еңбек етіп келеді. Өндіріссіз басқа өмірді көз алдымызға елестете алмаспыз. Кәсіпорнымызбен әрқашан біргеміз дейді еңбеккерлер.

Фарида БЫҚАЙ,
«Егемен Қазақстан»

Павлодар облысы