Қаржы • 01 Ақпан, 2018

Құрғақ сөз, жалаң статистика

92 реткөрсетілді

Қазір ел өңірлері мен аймақтары өткен жылдың әлеуметтік-эко­но­микалық даму қорытындыларына талдау жасап, биылғы жылға жаңа межелер мен міндеттер белгілеу үстінде. Осындай бағыттағы басқосу өткен аптада Ақтөбе облыстық әкімдігінде де өткізілді.  

Кеңейтілген отырыста бірін­ші болып облыс әкімінің эко­номикалық даму мәселелері жөніндегі орынбасары Асқар Биахметов есеп берді. Ол облыс активі алдына шыққаннан кейін өңір экономикасының бүгінгі жай-күйі, келешек келбеті ту­ралы талдаулар мен сараптама­лар, салыстырулар жасаудың орнына, көпшілікке бұрыннан белгілі деректерді қағаздан бас алмай, бірінен соң бірін тізіп ала жөнелді. Әлбетте, тыңдалмаса, көпшіліктің көңілін аудармаса, сөз жетім емес пе?! Қаптаған цифрлар өңір экономикасының тамыр соғысын білдіре ала ма?! Экономика кураторы өңірге тар­тылатын инвестициялық қара­ жаттың басты бөлігі мен мүм­кіндіктерін және бюджеттің кіріс көздерін жан-жақты тарқатып берген жағдайда ұтымдылық пен ұтқырлыққа жол аша алар еді. Өкінішке қарай, олай болмады. А.Биахметов қаржы институтта­рымен байланыс, олардан тарты­латын қаражат көлемі туралы да ештеңе айта алмады.

Жыл қорытындысындағы кейбір деректерге көз салсақ, облыста мерзімінде төленбеген салық мөлшері көбейіп бара жатқаны байқалады. Сондайақ бюджетке түсетін қосымша салық мөлшерін өсіру ісінде де кідірістер бар. Бұл жайттар кеңейтілген отырыс барысын­да да айтылды. Өткен жылы газетімізде Ақтөбе аймағындағы тұрып қалған кәсіпорындар жө­нінде сараптамалық мақала жарияланған болатын. Содан бері оны сауықтыру мен қалпына келтіру жөнінде нақты істер қолға алынғанынан да хабар­дармыз. Жылдың экономикалық есебіне кіретін мәселенің бірі де осы болса керек-ті. Сондай-ақ өткен жыл ішіндегі әлеуметтік экономикалық даму қорытын­дылары бойынша сөз қозғаған кезде өңірдегі агломерациялық даму деңгейі мен бағыттары туралы айтылмай қалса, қазақ әдебиетінің ақсақалы Шерхан Мұртаза айтқандай «бір кем дүние» болып шығады.

Ақтөбе облысының әкімі Бердібек Сапарбаев алқа мәжі­лісі үстінде орынды атап көр­сеткендей, оның жұмысшы органы Үкімет те, министрліктер де немесе орталықтағы өзге де басқарушы буындар емес, нақты осы Ақтөбе облысы әкім­дігінің өзі болып отыр. Ен­деше Ақтөбе агломерациясын дамытуға мүдделі ең бірінші өкілетті тұлғалар жергілікті атқарушы ұйымдар болуы ке­рек. Өз кезегінде бұл іске тікелей жетекшілік жасайтын облыс әкімінің экономика жөніндегі орынбасары А.Биахметовтің тарапынан агломерацияның жайкүйіне қатысты бір ауыз сөз ай­ тылмағанын қалай түсінуге бо­лады?!

Егер өңір басшысы бұған бай­ланысты тиісті толықтырулар жасамағанда, өңірдің экономи­калық дамуының басты индексі мен көрсеткіші сипатындағы кө­кейкесті мәселе жабулы күйінде қалып қояр ма еді. Облыс эконо­микасына негізінен стратегиялық шикізат көздері мен өзге де қазба байлықтарды өндіру, индустрия­ландыруды дамыту және өндіріс пен өнеркәсіпті өркендету сипаты тән болғанымен, Ақтөбе еліміздің аграрлық өңірлері қатарында қала беретіні анық. Сондықтан мұнда тиісті өнеркәсіп кешенін одан әрі дамытудың бүгінгі так­тикасы мен алдағы стратегиясы нақты түрде белгіленуі тиіс.

Осы орайда кеңейтілген алқа мәжілісінде облыс әкімінің ауыл шаруашылығы саласына жетекшілік жасайтын орын­ басары Мавр Абдуллин бұл бағытта қолға алынатын бағ­дарламаларға, аймақтағы ауыл шаруашылығы саласында өз шешімін күтіп тұрған істерге терең талдаулар жасайтын шығар деп күткен едік. Бұл үмітіміз де ақтала қоймады. Осы ретте об­лыс әкімдігінің кеңейтілген оты­рысында жоғарыда айтылғандай кейбір жетекшілердің есебі құр­ғақ сөз, жалаң статистика төңі­регінен шыға алмай қалғаны өкінішті-ақ.

 

Темір ҚҰСАЙЫН,

«Егемен Қазақстан»

АҚТӨБЕ

Баннер
Соңғы жаңалықтар

Көш басында - Канело

Спорт • Кеше

Ауылда да субұрқақ бар

Аймақтар • Кеше

Шыңға біткен шынардай Шыңғыс еді!..

Руханият • 14 Маусым, 2019

Мерейі тасыған отбасы

Руханият • 14 Маусым, 2019

Бірлесіп күресуге шақырды

Саясат • 14 Маусым, 2019

«Реал» 303 миллион еуро жұмсады

Футбол • 14 Маусым, 2019

Олимпиада жолдамасын иеленді

Спорт • 14 Маусым, 2019

Еуропа ойындары басталады

Спорт • 14 Маусым, 2019

Демалыс аймағы ашылды

Аймақтар • 14 Маусым, 2019

Мұражайлар фестивалі

Аймақтар • 14 Маусым, 2019

Мейіргер Шархат

Аймақтар • 14 Маусым, 2019

Ұқсас жаңалықтар