Ақтөбе облысының имамы жамағатқа жаңа үлгіде дәріс жүргізді

Ақтөбе облысының өкіл имамы Төлеби қажы Оспан Наурыз мерекесі қарсаңында ақтөбелік жамағатқа жаңа үлгіде дәріс жүргізді. Бұл дәріс Елбасының «Болашаққа бағдар: рухани жаңғыру» мақаласында қамтылған «Қазақстанның эволюциялық дамуы» тақырыбына арналды.

Егемен Қазақстан
19.03.2018 3318
2

Оған мемлекет және қоғам қайраткері, профессор Айталы Амангелді, қоғамдық кеңес мүшелері, мемлекеттік мекеме өкілдері, спорт саласының үздіктері, мешіт алқасы мүшелері, ақсақалдар мен 350-ге жуық мешіт жамағаты қатысты. Сондай-ақ, Хромтау ауданының мешіт жамағаты сабаққа скайп жүйесі арқылы қосылып, дәрісті тыңдау мүмкіндігіне ие болды.

«Революциялар дәуірі әлі біткен жоқ. Тек оның формасы мен мазмұны түбегейлі өзгерді... Бүгінде революциялар өңін өзгертіп, ұлттық, діни, мәдени, сепаратистік перде жамылды. Бірақ, бәрі де, түптеп келгенде, қантөгіспен, экономикалық күйреумен аяқталатынын көріп отырмыз». Елбасының дәл осы сөзін басты назарға алған өкіл имам бүгінгі түр-сипатын өзгерткен революциялардың бірі – қоғамды үркіткен қанды терактілер екендігін атап кетті. Тәуелсіздіктің соңғы онжылдығында орын алған 10-нан аса терактілерді мысалға келтіріп, олардың өзге елдердегі бүліктерден бір айырмашылығы – қазақтың ұлты бір қазаққа қару кезенуі екендігін айтты. Мұның салдары сыртқы күштің саяси идеологиясының құрбаны болған қандастарымызды ұлтынан жирендіріп, өз Отанына деген өшпенділігін оятуға дейін алып бара жатқандығын айтып, ой салды.

Тақырып дін тұрғысынан талқыланып қана қоймай, қазақ елінің тарихымен байланыстырылып түсіндірілді. Патша үкіметінің отарлау саясаты, ашаршылық, саяси қуғын-сүргін секілді зобалаң жылдарында қаза тапқан қазақтар, босқындар туралы статистикалық мәліметтер келтірілді.

«Бүгінгі бейбітшілік заманның қадірін жіті бағаламайтындығымыз кей істерде асығыстық пен албырттыққа жол беруімізге әкеп соғады. Мұндай албырт мінез бен амбиция, әсіресе, қоғамдағы жастарымызға тән қасиет. Ал, ең өкініштісі, олардың тағатсыздығы мен тәжірибесіздігін сыртқы күштер тиімді пайдаланып кетіп жатыр. Желікпе жастардың қолымен жасалған кешегі терактілер соның дәлелі», - деді өкіл имам Төлеби Оспан.

Сонымен қатар, әсіредіншілдікке апаратын ағат ойлар, намаз оқымағанды кәпір деу, дәстүрді ширкке балау, өз ұлтын ұлықтамау, Отанын сүймеу секілді бүгінгі дін ұстанудағы бірқатар қателіктер кеңінен түсіндірілді. Жамағатты жат ағымның зардабынан сақтандырып, теріс ағымды насихаттау, теракт ұйымдастыру, оған қатысу немесе қылмысқа қатысты қандай да бір ақпаратқа ие болудың өзі заң алдында жауапкершілік жүктейдігі, тіпті жаңа заң жобасында азаматтықтан айыру мәселесі қарастырылып жатқандығы айтылды.

Өкіл имам Елбасының әрбір Жолдауы мемлекеттік мекеме қызметкерлеріне ғана емес, сіз бенен біз, жалпы қазақ халқына жолданатын Үндеу, болашаққа белгіленген бағыт-бағдар екендігін айтып, жамағаттың Жолдау мәтіндерімен танысып, оған үн қоса білуіне баса мән берді.

Қазақстанға қажетті эволюциялық даму жолын жүзеге асыру үшін адам капиталын қалыптастыру керектігін айтқан өкіл имам қазіргі қоғамдағы бұған қажетті барлық жағдай жасалғандығын тілге тиек етті. Ал оны жүзеге асыруға бастысы адам капиталы, табандылық пен төзім керектігі туралы ойын былай деп түйіндеді:

«Кез-келген мемлекеттің басты капиталы – адам және ол Ата заңымызда анық жазылған. Бұл ақиқатты Алла Тағала «Тин» сүресіндегі: «Біз адам баласын ардақтап жараттық» деген Құран аятымен де айқындап қойған. Айналадағы барлық мүмкіндік, жағдай адамзат баласы үшін жасалуда. Облыс орталығының өзінде соңғы жылдары Өнер орталығы, Мәдениет үйі, Жекпе-жек сарайы, әр түрлі спорт кешендері, кітапханалар, тұрғын үйлер пайдалануға беріліп, облыстық мұражай секілді жаңа ғимараттар бой көтеруде. Өткен жылы қалада 2 мешіт ашылды. Енді бізге осынау нығметтің бәрін игеретін адам капиталы, қоғамның құлшынысы мен ізденісі қажет. Бізге білімді жас, білікті маман, өнерлі өрен, салиқалы жамағат пен саналы ұрпақ қажет!» - деп сөзін аяқтады өкіл имам Төлеби Оспан.

Дәрісті ұйып тыңдаған жамағат жақсы әсер алды. Шара соңында сөз алған қоғам қайраткері Амангелді Айталы діндар болу дүниені тәрк ету деген сөз еместігін айтып, ғұмыры ізденіске толы, құлшылығы бүтін болған Абайдың мысалын сөз етті. Өкілдік тарапынан бастау алған игі бастамаға оң бағасын беріп, тұшымды тақырып көтерілгендігін, оның жамағатқа дәйекті дәлелдермен ұғынықты түрде түсіндірілгендігін айтты. Елбасының ұлттық сананы жаңғыртуда ұсынған озық идеяларын ең әуелі, сіз бенен біз, халық жүзеге асыратындығын жеткізді.

Темір Құсайын,

«Егемен Қазақстан»

Ақтөбе

 

СОҢҒЫ ЖАҢАЛЫҚТАР

20.03.2019

Геннадий Головкин Нұрсұлтан Назарбаевқа алғыс айтты

20.03.2019

Үкімет пен Ұлттық Банктің макроэкономикалық саясатты жалғастырылады

20.03.2019

«Ұшқынның» редакторы Тамимдар Сафиев

20.03.2019

Мың алғыс Сізге, Тұңғыш Президент!

20.03.2019

Халық жүрегіне жол тапқан

20.03.2019

Ұлт өнерін ұлықтады

20.03.2019

Димаш Құдайберген: Елбасы жолы елімізді жарқын болашаққа апарады

20.03.2019

Су тасқынына дайындықты пысықтады

20.03.2019

Ақмола облысының активіне таныстырды

20.03.2019

Мемлекетіміздің мерейін өсірді

20.03.2019

Берекелі биіктерге бастады

20.03.2019

Туған халқына қызмет ете береді деп сенеміз

20.03.2019

Әлеумет қамына – айрықша назар

20.03.2019

Ел еңсесін биіктетті

20.03.2019

Қазақстан халқы Ассамблеясының Үндеуі

20.03.2019

Мәулен Әшімбаев: Тарихи сәтте халқымыз бірлік пен ынтымақта болуы тиіс

20.03.2019

Қаныбек Иманәлиев: Мемлекеттің келешегін ойлады

20.03.2019

Еуроодақ Нұрсұлтан Назарбаевтың шешіміне пікір білдірді

20.03.2019

С.Жээнбеков: Назарбаев – ұлттық қана емес, әлемдік деңгейдегі тұлға

20.03.2019

Білге қағанның жолын басқан көшбасшы

ТАҒЫ ЖҮКТЕУ
КОЛУМНИСТЕР

Айнаш ЕСАЛИ, «Егемен Қазақстан»

Etjeńdi balalar

Qoǵam kóz jumyp qaraı almaıtyn máse­lelerdiń basynda bala densaýlyǵy tur. Bú­gin­de mańaıymyzǵa zerdelep qaraıtyn bolsaq, tyǵynshyqtaı, tolyq jasóspirimder kó­beıe túsken. Semizdik – aýrý bolyp esep­teletindikten, qazirgi ýaqytta dıspanserlik esep­ke alynady. Sábı saýlyǵy ana qursaǵyna bit­­ken kúnnen bastap qalyptasatyndyǵyn al­dymen ata-anasy túsinýi qajet.

Amangeldi QURMET,

Igi bastama ult tanymymen úılesýi tıis

Keıde qazaq qoǵamyndaǵy oqıǵalar men qubylystarǵa nazar aýdarǵan kezde «Biz ózi­mizimdi ózimiz tolyq tanymaımyz-aý osy» degen oıǵa qalatynymyz bar. Árıne, qa­zaq ekenimizdi, bizdiń de tanym-túısigimiz, dúnıetanymymyz, ar­man-ańsarymyz, muraty­myz bar ekenin bilemiz. 

Арнұр АСҚАР, «Егемен Қазақстан»

Алты жасар Алпамыстың арманы не еді?

«Білесің бе, оқитын болсам тез өсіп, үлкен бастық болам. Оқуды да тез бітіремін. Тез келіншек аламын. Сосын менің он екі ұлым болады. Оның бірі колхоз бастығы, екіншісі агроном, үшіншісі мұғалім, бәрі де үлкен-үлкен бастық болады...»

Думан АНАШ, «Егемен Қазақстан»

Kúmis tostaǵandaǵy kóne álipbı

Kóne órkenıet oshaqtarynan urpaqqa mura bolyp qalǵan qundy dúnıelerdiń bi­ri – adamzattyń aqyl-oıyn taspalaǵan jazý­lar. Elbasy «Uly dalanyń jeti qyry» atty ma­qalasynda Esik qorymynan tabylǵan «Altyn adamnyń» janyndaǵy kúmis tosta­ǵan­dardyń birinde oıyp jazylǵan tańba­lar bar ekenin aıta kelip, «Bul – Ortalyq Azıa aýma­ǵynan buryn-sońdy tabylǵan jazý ataýlynyń ishindegi eń kónesi» degen bolatyn.

Жақсыбай САМРАТ, «Егемен Қазақстан»

«Jaqsy kitap – jan azyǵy»

Kitap oqıtyn jáne oqymaıtyn adamdardyń alshaqtyǵy árqashan kózge kórinip turady. Alǵashqylardyń oıy tereńdeý, tili sheshendeý bolsa, sońǵylardyń tili tutqyr, aýzynan sózi túsip turatynyn jıi kóresiz. Máseleni jaqsy bilip tursa da, ondaılar oıyn jetkize almaı, ábden qysylady.

ҰҚСАС ЖАҢАЛЫҚТАР

Тағы да оқу

Пікір қосу