Ойыл ауданында «Нива» авто­көлігін сүй­реу­ден әйелдер ара­сында сайыс өтті

Бұл же­ңіл авто­көліктер санатына кір­генімен, салмағы әжептәуір еке­ні екінің біріне белгілі. Со­ған қарамастан аталған ай­рықша бәсеке кезінде оған қатысқан әйелдер ер-аза­маттардың бойынан табы­ла бермейтін күш-жігер көр­сет­ке­ні көпшіліктің ерекше қы­зы­ғушылығы мен ықыласын туғызды. Атап айтқанда Мадина Нұрмағамбетова, Нұржанат Қаумешова және Гүлбақыт Жұмағазина сынды әйел-аналар «Ниваны» он метр жерге дейін сүйреп жеткізді. Міне, күш-қайрат қайда деп үлкенді-кішінің бәрі бұған сүйіспеншілік танытып тұрған кезде «Ниваны» сүйреу кезегі зейнет жасындағы көп ба­лалы ана, Ақшатау ауы­лы­ның тұрғыны Қанзибаш Нұрғазинаға келді. Ол бірден автокөлікті бейне бір қол шанадай зырылдатып алға қарай сүйреп ала жөнелді. 57 жастағы күш-қайраты мен ерік-жігері мол егде әйелдің бұл іс-әрекеті жұрттың бәрін таңғалдырды. Бұл «Нива» кө­лігін сүйреуден сайысқа тү­с­кен әйелдер арасындағы қай­та­ланбас ең жоғары көрсеткіш деп бағаланды. Мұны Гиннес­тің рекордтар кітабына жазу керек деп тарқасты нағыз нар қызға тән өнер көрсеткен жасы ұлғайған ананың шалт қимылына риза болғандар. 

Темір ҚҰСАЙЫН,
«Егемен Қазақстан»

Ақтөбе облысы,
Ойыл ауданы