«Хат қоржын» (25.09.2018)

Егемен Қазақстан
25.09.2018 7064
2

...үлгі тұтады

Ардагерлер еккен егіс 

Елбасының «Жалпыға Ортақ Еңбек Қоғамы» атты мақаласы кезінде жұртшылыққа үлкен серпіліс әкелгендігі белгілі. Расында еңбексіз еш нәтиже болмайтындығына нарықтық қатынасқа бой үйреткен қандастарымыз қазір анық көз жеткізгендей. Осы орайда Қызылорда облысы, Шиелі кенті ардагерлерінің биылғы бастамасы жұртшылықтың көңілінен шықты.

Аудан орталығында тұратын бір топ ардагердің өтінішіне сай аудан әкімдігі олардың егіс егуі үшін арнайы жер бөлуге тапсырма берген болатын. Осы шаруаның басы-қасында жүрген кент ардагерлер кеңесінің төрағасы Әбдішүкір Батырбаевтың басшылығымен 9 гектар жер айдалып, арықтары тартылып, ол егін егуге деген құлшыныстары бар 44 ардагерге бірдей бөлініп те берілді. Көп ұзамай, өздерінің қалауынша түрлі дақылдар егіп, күтімге алды. Нәтижесінде, бірінің қызанағы мен қияры ерте өнім бере бастаса, көп ұзамай әңгелек пен қауын-қарбызы да өздерінің тұтынуларына жарады. Ардагерлер Алдан Бәйімбетов, Қали Дүйсеманов, Әйтен қажы өз тәжірибесімен бөлісіп, өзгелерге жөн көрсетуден ерінбейді. 

– Жуырда аудан әкімі арнайы келіп, бақшалықтың жұмысымен танысты. Өнімнен дәм татты. Алдағы жылы бұл шаруаны кеңейтуге кеңес берді, – дейді 78 жастағы Әбдішүкір Батырбаев. 
Иә, зейнетке түрлі саладан шыққан ардагерлер қол қусырып отырмай, осылай дала төсінде еңбек етуде. Бұл өнеге көпшілікке ой салуы тиіс оңды іс. Олардың ойынша, кетпен шабу – дүние табу ғана емес, сергектік кепілі. 

Нұрмахан НАЗЫМХАНҰЛЫ 

Қызылорда облысы, 

Шиелі ауданы

...алғысын жеткізеді

Аналарының айтқанын орындады

Жомарттық – алғыс, мақтау күтпей жәрдем беруді білдіретін қазақтың қанында бар өте жақсы қасиет. Жомарттық қазақы ортадағы әлеуметтік қатынастарды ұйымдастыратын әрі реттеп отыратын моральдық-этикалық мәнді норма мен принцип. Тана мырза ауылында Сара Ахметқалиева апаймен көп жыл көрші болдым. Ақкөңіл, ақжарқын, қонақжай адам болды. Сара апай өмірден өтіп кетсе де сол сыйластықты Мұрат аға мен балалары әлі жалғастырып келеді. Марқұм: «Әй, қыз, көшсем үйімді саған берем, үй салсам үйімді саған қалдырам» деп отыратын. Сол ана сертін балалары Шыңғыс пен Исатай орындады. Әкелеріне заманауи әдемі үй салып берді де, «Анамыздың тірі кезінде берген сертін орындаймыз» деп, өз үйлерін барлық жиһаздарымен бізге тегін сыйға берді. Осы қайырымдылық, жомарттық қасиеттері үшін Мұрат Қасенов аға мен балалары Шыңғыс пен Исатайға аналық жүрегіммен алғысымды білдіремін. Осындай қазақтың қолы ашық, Атымтай жомарт азаматтары көп болып, ұлттық санамыз жаңғырса, ұлттық кодымыздың ұрпақтан-ұрпаққа мәңгі сақталары сөзсіз.

Айжан БАЙҒАЛИЕВА 

Шығыс Қазақстан облысы,

Тарбағатай ауданы

...үн қосады

Бата бере білу де өнер 

«Егемен Қазақстан» газетінің үстіміздегі жылғы сәуір айындағы нөмірінде Серікбай Тұржанның ойласу орайындағы «Бата бере білеміз бе?» атты мақаласы жарияланып, автор көпшіліктің ойында көптен бері жүрген жайды көтерген екен. 

Дана халқымыз «Адам ақ тілектен көгереді» деген, «Көсегең көгерсін» деген халық даналығының мәні де осында жатса керек. Ал тілектің түйіні бата екенінде дау жоқ. Себебі бата халқымыздың ғасырлар бойғы ой елегінен сұрыпталып өткен ұлағатының ұйытқысы. 
Байыптап зерделесек, бата әу баста ел данасының, ер анасының, көрген көсемдерінің, дүлдүл шешендерінің, көш басы сараларының, көзі ояу дараларының лебізінен шығып, уақыт өткен сайын дамып, санаға сіңіп, шымырлана түскен. Содан жақсының тілегін берсе екен, жомарттың жүрегін берсе екен деген ниетпен әр босаға иесі төріне шыққан игілерден, ықыласы түзу әр пендеден жақсы лебіз естіп, жарты ырысқа кенелгісі келгендей болатын үрдіс қалыптасқан. Батаның жалпы халықтық сипатқа ие болып, асыл қазынамыздың салмақтысына айналуы осыдан болар.
Жиреншенің батасы, Бұқар жыраудың, Төле бидің, Қаз дауыс­ты Қазыбектің батасы деп қаншама ұлы перзенттерінің ақжолтай лебіздерін халқымыз туындай көтеріп, арындай асқақтатып келе жатқаны да осыдан болса керек. Батаны киелі санайтынымыздың да негізі осында жатыр ма деп ойлаймын. 

Өз басым жастайымнан дария қарттардың әңгімесін тыңдап өскен­діктен бе, әлде әкем жарықтықтың өнегелі сөздеріне ерекше ілтипат білдіргендіктен бе екен, әйтеуір бата-тілекке дегенде ықыласым бөлекше болды. Қорыта айтарым, бата бере білу де өнер. Ендеше, бата біздің бағымыз екендігін үнемі ескере жүрейік. «Батамен ел көгерер» деген халық даналығын да есімізден шығармайық дегім келеді.

Кәрібай ӘМЗЕҰЛЫ

Түркістан облысы

...үміт артады

Жұмыссыз жүргені жанымызға батады

Менің ұлымның «жұмыс табамын» деп бармаған жері, баспаған тауы қалмады. Өзім еңбек жолымды 1970 жылы Прорва кен орнында қарапайым мұнай өндіру операторы болып бастадым. Жарты ғасырға жуық еңбек етіп, зейнеткерлікке шықтым. Ізімнен ерген кенже ұлым мұнайшы мамандығы бойынша жоғары білім алды. Оқу бітірген жылы әскер қатарына шақырылып, Отан алдындағы борышын өтеп келді. Енді қызметке тұрайын десе, еш жерге алмайды. Жұмыс берушілердің бәрі бірдей еңбек өтілін сұрайды. Жұмыс жасап үлгермеген жастан жоқ нәрсені талап етуге бола ма? 
Осыны айтып, облыс әкімдігіне, өзім еңбек еткен «Ембімұнайгаз» акционерлік қоғамының басшылығына, жергілікті жұмыспен қамту орталығына, «Нұр Отан» партиясына да бардым, ешқайсысынан нақты жауап болмады. Жүрегіме операция жасалғандықтан, жұбайым екеуміздің зейнетақымыз дәрі-дәрмектен ауыспайды. Сондықтан жалғыз асыраушымыз ұлымыздың жұмыссыз жүргені жанымызға батады. Жағдайымызды ескеріп, тиісті орындар қол ұшын береді деп үміттенеміз. 

Қалдыбай ҚАНАТБАЕВ,

ІІІ дәрежелі «Еңбек даңқы» орденінің иегері

Атырау

 ...кеңес береді

Қылығың қыздай болсын

Біздің отасқанымызға 20 жыл болып қалды. Әлі күнге дейін күйеуім мақтаумен, мақтанумен, жаным-күнім деумен келеді. Оған менің құлағым да, етім де үйренген. Қол көтермек түгілі дауыс көтерген емеспіз. Үйленген кезде екеуміздің арамызда барлық жағынан теңсіздік жоғары болатын. Қазір олай емес... Сондықтан барлық мәселені ақылмен шешкен дұрыс. Әйел өзін қанша жерден биік сезінсе де, еркектен бір саты төмен ұстауға үйрену керек. Қысқасы, татулық пен бірліктің кілті әйелдің қолында...

Әйел затына айтар өзіндік кеңесім бар. Күйеуің неше жыл отассаң да еркелетсін десең, қылығың қыздай болсын. Әрбір айтқан сөзіңе сақ бол.
Еркекке тазалық, дәмді тағам, жылы сөз, ыстық сезім керек. Санассаң, өктемдік етсең, дауыс көтерсең – онда қателескенің. Отбасыдағы кикілжің мен араздық осыдан басталады.

Мәриям АСАНОВА

СОҢҒЫ ЖАҢАЛЫҚТАР

12.12.2018

«Русский силуэт» бәсекесінде жеңіске жетті

12.12.2018

Ұлттық ұлан өнерпаздары мерекелік концерт өткізді

12.12.2018

Алексей Ут­киннің жеке көр­­месі көрерменге жол тарт­ты

12.12.2018

Павлодар облысында 72 көше, 7 ауылдың атаулары өзгерді

12.12.2018

Атырауда ұн тартатын диірмен іске қосылды

12.12.2018

Жаратылыстану пәндерін ағылшын тілінде оқытатын мұғалімдерге қолдау артады

12.12.2018

Қостанайда Ғафу Қайырбековтың 90 жылдығы аталып өтті

12.12.2018

Қарапайым түсінік

12.12.2018

Ағысқа қарсы жүзген жазушы

12.12.2018

Қазақстан тарихы – әлемдік деңгейдегі тарих

12.12.2018

Түркістанды танытатын туындылар

12.12.2018

Шығай хан

12.12.2018

Ерін үндестігі неге таңбаланбайды?

12.12.2018

Nápaqa qaıdan tabylar?

12.12.2018

Сарыбелдің «саумалы» Ұлы даланың ұтымды жобасына айналды

12.12.2018

Латын әліпбиіне көшудегі Әзербайжан тәжірибесі

12.12.2018

Тік тұрып жұмыс істеу жаттығу емес

12.12.2018

Әлемде әр үшінші мектепке таза әрі қауіпсіз дәретхана қажет

12.12.2018

Экономикада тұрақты өсім бар

12.12.2018

Мұнай барлау жұмыстарының ақ аюларға әсері

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

ҰҚСАС ЖАҢАЛЫҚТАР

Тағы да оқу

Пікір қосу