Қазақстан • 22 Ақпан, 2019

Мүгедек жандар үшін құнды құрылғы

298 реткөрсетілді

Қазіргі жаһандану мен жаңғырудың жаңа ғасырында жастардың заманауи үдерістерді үйреніп, түрлі техниканың тетігін меңгеріп жатқанын аңғарамыз. Сәт сайын ілгері басқан уақыт көшіне ілесу үшін өнертапқыш өрендер өміршең дүниелерді өмірге әкелуде. Солардың бірі – Дулат пен Әлихан.

Ақылын жетекші, қиялын көмекші еткен қос жігіттің ойлап шығарған құ­р­ыл­­­­ғы­­лары да ерекше. Он алты жастағы Дулат Әміржан бүгінгі таңда Астана қа­ла­­сы №73 мектеп-лицейінің 10-сынып оқу­шы­сы. Ол қарапайым қолмен итеру арқы­­лы жүргізетін мүгедектер арбасына авто­маттандыру қондырғысын ойлап тап­­­қан. Арбаға орнатылған құрылғы мүм­­кін­­дігі шектеулі жандардың емін-еркін қоз­ға­л­уына мүмкіндік бермек. Дөң­гелекті айнал­­ды­ратын екі қолдың қыз­ме­тін енді бар бол­ғаны үш тетік атқарады.

«Екі аяғы бірдей сал болып қалған мүгедек жандар арбаның доңғалағын қос қолы­мен итеріп жүргізетіні белгілі. Ал мен­ің құрылғымды қолдану арқылы олар­ға жеңіл әрі жылдам қозғалуға мүм­кін­дік бар. Автоматтандырылған арбаны әлемдік нарықта шығаратындардың бағасы − тым қымбат. Оның ең арзаны − 200 мың теңге. Егер біз сатылымға шыға­ра­тын болсақ, өз бағасы 50-60 мың теңге бола­ды. Бұл – тиімдірек», дейді жоба авто­ры Дулат.

Бір адам ағаш отырғызса, оны адам сая қы­­лады. Бүгінгі кейіпкерлерімізде де ос­ын­­­­дай игі істің басын бастап, қайырым­ды­­­лы­­ққа қадам жасаған жандар деуге болады. 

«Бұл құрылғыны дайындауға 40 күн уақыт кетті. Мектебімізде STEM зертхана­сы жұмыс істейді. Ол – оқушы­лардың өзде­рін шыңдауға көп көмегін береді. Бұл рет­те осындай зертхананы ашып берген мек­теп басшылығына және жетекшім Жанат Еркебұланұлына алғы­с айтамын», дейді Дулат Әміржан.

Дулаттың ойлап тапқан құрылғысы арбаға таңылған мүмкіндігі шектеулі мү­ге­дек жандарға арналған болса, ал Әли­ханның құрылғысын көз жанары көр­мей­­тін зағип жандардың таяғына орна­ту­ға болады.

«Бұл құрылғы зағип немесе нашар көретін жандардың көшеде жүруін жеңіл­де­теді. Алдағы бөгетке бір метр қалғанда ро­бот­талған таяқ дыбыс шығарып, белгі бе­реді. Қа­шықтықты компьютер арқылы рет­­теуге болады. Құрылғы қашықтықты 5 метр­ге дейін сезе алады. Оның өзінің баға­­сы 5 мың теңге. Егер оны өндіріске шыға­ра­­тын болсақ, 13-15 мың теңге шамасында болады. Мен Павлодар қала­сы­ның тумасымын. Сол қалада тұрғанда үйі­міз­дің жанында «Зағиптар қоры» болды. Күн сайын таяқ ұстаған жандарды кө­ріп, оларға көмектескім келетін. Сол ой осын­дай құрылғы жасап шығаруыма түрт­кі болды», дейді Астана қаласындағы №73 мектеп-лицейінің оқушысы Әлихан Рах­метов. 

«Нұр Отан» партиясы жас өнер­тап­қыш­тар арасында өткізген респуб­ли­ка­лық «NURINTECH» инновациялық жобалар байқауында «Әлеуметтік маңызды инно­вациялар» аталымы бойынша Дулат ІІ-орынды, Әлихан ІІІ орынды қанжы­ға­ла­ға­нын да айта кеткен абзал. 

Қос оқушының жетекшісі, STEM зерт­­ха­насының мұғалімі Жанат Ерке­бұ­­­лан­­­­ұлы аталған зертхана 2018 жыл­­дан бастап жұмыс істейтінін, оған 1-10 сы­нып оқушы­ларынан 40 шақты өнертапқыш бала­лар аптасына екі мәрте қатысатынын жеткізді.

Рауан ҚАЙДАР,

«Egemen Qazaqstan»

Баннер
Соңғы жаңалықтар

Көш басында - Канело

Спорт • 15 Маусым, 2019

Ауылда да субұрқақ бар

Аймақтар • 15 Маусым, 2019

Үздік дәрігерлер баспаналы болады

Аймақтар • 15 Маусым, 2019

Шыңға біткен шынардай Шыңғыс еді!..

Руханият • 14 Маусым, 2019

Мерейі тасыған отбасы

Руханият • 14 Маусым, 2019

Бірлесіп күресуге шақырды

Саясат • 14 Маусым, 2019

«Реал» 303 миллион еуро жұмсады

Футбол • 14 Маусым, 2019

Олимпиада жолдамасын иеленді

Спорт • 14 Маусым, 2019

Еуропа ойындары басталады

Спорт • 14 Маусым, 2019

Демалыс аймағы ашылды

Аймақтар • 14 Маусым, 2019

Мұражайлар фестивалі

Аймақтар • 14 Маусым, 2019

Ұқсас жаңалықтар