Денсаулық сақтау мәселелері шешіледі

Қоғамдық денсаулық сақтау жүйесінің міндеті – ауру­дың алдын алу және қоғам­ның денсау­лығына мемле­кет пен халықтың ортақ жауап­кершілігін арттыру. Соңғы жылдары Қазақстанда созылмалы ин­фекциялық емес аурулар са­ны­ның өскені байқалады. Оған мем­лекеттің денсаулық сақ­тауға бағытталған барлық шы­ғын­дарының негізгі бөлі­гі жұм­­­салады, ал алдын алуға 3 па­­­йыз ғана бөлінеді. Біздіңше, осы ша­раға қоғам көбірек қара­жат жұм­сауы керек. Сол кезде мем­­­лекет ауруларды емдеуге аз қа­р­ажат жұмсайтын болады.

Өкінішке қарай бүгінде біз асқынған созылмалы ауруларға және қауіпті жағдайлармен күрес­ке көп ақша жұмсай­мыз. Бізде емдеуге бөлінген қара­жаттың 80%-ы науқас асқынған кезде жасалатын оталарға жұм­салады. Сондықтан ауруды емдегеннен гөрі ауырмайтын жол іздеу қазір­гі таңда ерекше көңіл бөлетін мәселенің бірі болып отыр.

Алғашқы медициналық-сани­тар­лық көмек жалпы ден­саулық сақтау жүйесінің маңызды бөлігі. Бұл халық ден­сау­лығын жақ­сартуды, па­циенттердің қанағат­тану­шы­лығын және денсаулық сақтау саласына жұмсалатын жалпы шығындарды азайтуды қам­та­масыз етеді. 

Көптеген аурулардың негізгі себебі көбіне-көп адамның ден­саулық сақтау бойынша білі­гінің жетіспеушілігінен туындайды. Сондықтан халықтың меди­циналық персоналмен ты­ғыз және сенімді байланысын арт­тыру арқылы алғашқы меди­ци­налық-санитарлық көмек дең­гейінде дерттің алдын алуға, жаңа технологияларды пайдала­нып (клубтар, денсаулық мектептері, еріктілер қозғалысы және тағы басқа) ақпараттық жұмысты ұйым­дастыруға болады. 

Қазір медицина саласы­ның ал­дында көп асулар тұр. Оның ішінде атап айтатын бол­сақ: министрлікте 2020-2024 жыл­дарға медицина саласының өсіп-өркендеуі мен жетістіктеріне ар­нал­ған жаңа бағдарламаны жасау жұ­мыстары басталды; 2020 жыл­­дан бастап медицина сала­сы міндетті әлеуметтік медици­на­лық сақтандыру жүйесі­не көш­келі отыр, бұл бағытта да көптеген жұ­мыс атқаруымыз қажет; дәрі-дәр­мек бағасы сәуір айынан бастап Мемлекет басшысы Н.Назарбаев қол қойған «Қазақстан Республикасының кейбір заңнамалық актілеріне дәрілік заттар мен медициналық бұйым­дардың айналысы мәсе­лелері бойынша өзгерістер мен толықтырулар енгізу туралы» Заңы бойынша мемлекет тарапынан реттелетін болады. 

Міне, осы мәселелер Елба­сының медицина саласына бөлгізіп отырған қомақты қара­жаты арқылы шешіледі деп айтуға толық сенім бар. 

Зәуре АМАНЖОЛОВА,

Мәжілістің Әлеуметтік-мәдени даму комитетінің мүшесі