Аймақтар • 13 Наурыз, 2019

Түркістан: Сарыағашта әлемдегі ең жылдам өсетін ағаш өсіріліп жатыр

1963 рет
көрсетілді
1 мин
оқу үшін

Сарыағаш ауданының тұрғыны Балтабай Құрбанбаев павловния ағашын өсіруді қолға алды. Ол 2017 жылы Қытай елінен 50 мың түп алдырып, аудандағы бос жатқан 2 гектар жерге отырғызған. Кәсіпкер бұны ең бағалы ағаштардың бірі екенін айтады. Бұл туралы Түркістан облысы әкімінің баспасөз қызметі хабарлады. 

Түркістан: Сарыағашта әлемдегі ең жылдам өсетін ағаш өсіріліп жатыр

«Павловния ағашы әлемдегі ең жылдам өсетін ағаш деп айтуға болады. Жылына 4-6 мертге дейін өссе, ал бойы 25 метрге дейін жетеді. 6 апта гүлдеп тұрады. Еуропа елдерінде жихаз жасауға осы ағашты қолданады. Одан бөлек, қайық, шаңғы, тенис рокеткасын, музыкалық аспап тағы басқа да бұйымдар дайындауға да таптырмайтын дүние. Бұл ағашта көз болмайды. Өте иілгіш келеді. Бастапқыда адамдар мұндайға сеніңкіремей қараған. Қазір жан-жақты көз жеткізіп, көшеттерін алып көбейтуді ойластыруда. Түсінген адамға мұның пайдасы ұшан-теңіз», – деді Балтабай Құрбанбаев.

Кәсіпкердің сөзінше, оңтүстіктің климаты павловния ағашын өсіруге өте қолайлы. Күтімі жақсы болса, 3 жылдан кейін ағашты қажетке жарата беруге болады.