Қазақстан • 14 Наурыз, 2019

«Қазығұрт» кеден бекетінде кептеліс туындады

843 реткөрсетілді

Кептелісті азайту үшін өткізу пунктіне қосымша қызметкерлер көмекке келді. Бұл туралы Мемлекеттік кірістер комитетінің баспасөз қызметі хабарлады.

2019 жылы 12 наурызда шамамен сағат 10.00-де Түркістан облысы бойынша МКД-нің «Қазығұрт» кеден бекетінде, тауарларды экспорттау кезінде олардың кетуін растау бөлігінде «АСТАНА-1» АЖ ішінара жұмыс жасаған жоқ. Модулдің жұмыс жасамау себебі, байланыс желісінің тұрақты іске қосылмауы болып табылады.

Осыған байланысты, 12.03.2019 жылғы сағат 18.00-де өткізу пунктінің алдында 180 бірлікте автокөлік құралдары топталып қалды.

Сағат 18.30-дан бастап ақпараттық жүйе штаттық жүйеде жұмыс істей бастады.

Кептелісті азайту үшін өткізу пунктінде қосымша қызметкерлер көмекке келді және шығу бағытында автокөлік құралдарынан 167-ден астамы рәсімделді. Тасымалдаушылармен консультативтік жұмыстар жүргізілді және басқа да кептелісі жоқ өткізу пункттерінен өтуге жолдау жүзеге асырылды.

13.03.2019 жылғы сағат 16.00-дегі жағдай бойынша Өзбекстанға өтуге келген автокөліктерді ескере отырып, 90 бірлікте автокөлік құралдары кезек күтуде.

Кезектерді болдырмау мақсатында қарашадан бастап күнсайын сағат 9.00-ден бастап және сағат 21.00-де тасымалдау бағытын таңдау үшін өткізу пункттері алдында тұрған көлік құралдарының саны туралы ақпараттар Түркістан облысы бойынша МКД-нің сайтында және әлеуметтік желілерде орналастырылады.

Сондай-ақ қазіргі уақытта Индустрия және инфрақұрылымдық даму министрлігі мен Түркістан облысының Әкімшілігі бірлесіп тасымалдаушыларға ыңғайлы болуы үшін осыған ұқсас кептелістер туындаған кезде өткізу пункттеріне жақын тұрақтар ұйымдастыру және жайластыру мәселесі пысықталуда.

Соңғы жаңалықтар

Ұқсас жаңалықтар