Экономика • 15 Тамыз, 2019

Үлкен деректер технологиясы

9 реткөрсетілді

Мемлекеттік кірістер комитеті Big data-ны іске қосты. Бұл туралы Орталық коммуникациялар қызметінде өткен баспасөз мәслихатында Қаржы министрлігі Мемлекеттік кірістер комитетінің төрағасы Марат Сұлтанғазиев хабарлады. Биыл шикізаттық емес сектордан түсетін кіріс 8%-ға артып, 2,9 трлн теңгеге жетті.

Комитет төрағасы былтырғы жылмен салыстырғанда кіріс көлемі 556 млрд теңгеге немесе 115%-ға артық түскенін айтады. Рес­публикалық бюджеттің кө­лемі 101%-ға және жергілікті бюд­жет 108%-ға өскен. Шағын және орта бизнестен ел қазынасы 1, 9 млрд теңгеге немесе 16,6%-ға толды. Бұған қоса ведомство басшы­сы алғашқы жартыжылдықта Қаржы мониторингі комитетіне қарасты Экономикалық тергеу қызметін қайта құру және кадрлық ауыс-түйіске байланысты жұмыстар аяқталғанын сабақтады.

Сонымен қатар Мемлекеттік кірістер комитеті үлкен деректер технологиясын меңгеруді бастапты. Бұл әсіресе тәуекел моделін болжауда таптырмас құрал деді спикер.

 – Экспортты бақылау бө­лім­шесі құрылды. Оның тиімділігі көріне бастады. Бүгінде комитет ұжымы жасақталған және тапсырмаларды орындауға да­йын. Үлкен деректерді сараптап, мәліметтерге интеллектуалды талдау жасайтын тың жүйені қол­дануды бастадық. Соның негі­зінде тәуекел модельдері әзірле­ніп жатыр. 14 жаңа модель жү­зеге асырылды. Оның 11-і салық ісіне және 3-еуі кеден бағытына қатысты, – деді М. Сұлтанғазиев.  

Бұдан бөлек спикер жыл басынан бастап электронды шотфактураны міндетті түрде пайдалану енгізілгенін айтты. Сол секілді қазір шекарадан өтуге қатысты мәселе көп екенін жасырмады. Ол кедендік декларация бойынша тауар айналымы 100%-ға көбейгендіктен электронды түрде рәсімделетінін, бiрақ шекараны өту тәртібі қаз-қалпында қалғанын жеткізді.

 

Баннер
Соңғы жаңалықтар

Байсал тартқан балалар өлеңі

Әдебиет • Бүгін, 08:30

Күзетшіге мұқтаж елміз

Қоғам • Бүгін, 08:25

Қыңыр кісі – бір жақ...

Аймақтар • Кеше

Айдаһар үңгірі

Аймақтар • Кеше

Ұқсас жаңалықтар