Қоғам • 18 Қыркүйек, 2019

4 мың отбасы баспанамен қамтылады

42 реткөрсетілді

Әлеуметтік жалға берілетін тұр­ғын үй табысы жоқ көп ба­лалы отбасылар үшін бе­рілетін болады. Көп балалы отбасылардың тұрғын үй мәселелерін шешу үшін жыл сайын 50 млрд теңгеден бөлінеді. Бұл жылына 6 мың отбасын әлеу­меттік қолдаумен қамтуға мүм­кіндік бермек. Президент Қ.Тоқаевтың Жолдауында көр­­сетілген тапсырмаларды орын­­дау жолдары Индустрия және ин­фрақұрылымдық даму ми­нистр­лігінің отырысында пысық­талды.

Индустрия және инфрақұрылым­дық даму министрлігі Құрылыс және тұрғын үй-коммуналдық шаруашылық істері комитетінің төрағасы Мархабат Жайымбетов айтқандай, Президенттің тапсырмасына сәйкес алдағы 3 жылда қаржыландыруды арттыру және қолдау арқылы қосымша 4 мың от­басын баспанамен қамту жос­пар­­ланған. 2030 жылға қарай жаңа тұр­ғын үйлерді пайдалануға беру көлемі жыл сайын 8-10%-ға өседі деп күтілуде. Бұдан басқа «Тұрғынүй-­құ­рылысжинақбанкінің» «Бақытты отбасы» жеңілдетілген кредит беру жөніндегі «2-10-25» бағдарламасы мақсатты аудиторияға, яғни мүгедек балалары бар, көп балалы, толық емес отбасылар санатындағы әлеуметтік осал топтарды қамтиды екен.

– Осы базаның шеңберінде тү­гендеу жүргізіледі. Кезекте тұр­ған­­дардың мәртебесі, олардың та­бы­с­тары анықталады. Сондай-ақ меншігінде тұрғын үйдің болуы қадағаланады және өзге өңірде жалға берілетін және несиелік тұрғын үйге деген мұқ­таждығы талданады. 2018 жылы жүргізілген тізімдеудің нәтижесінде 30 мың азамат есептен шығарылды. Әлеу­меттік жалға берілетін тұрғын үй табысы жоқ және ең алдымен көп балалы отбасылар үшін берілетін болады. Қазіргі таңда тұрғын үйге мұқтаж 38 мың отбасы бар. Көп балалы отбасылар үш өңірде, атап айтсақ Түркістан облысында, Алматы мен Нұр-Сұлтан қалаларында көп, – деді М.Жайымбетов.
Басқа да әлеуметтік осал санатта­ғылар үшін жалға берілетін тұрғын үй салу ісі жалғасады. Нұр-Сұлтан, Ал­­маты және Шымкент қалаларында 3 мың жұмыс істейтін жастарды жалдамалы тұрғын үймен қамтамасыз ету көзделіп отыр. 3 жылда 9 мың жас осындай пәтермен қамтылады, деді Құрылыс және тұрғын үй-ком­муналдық шаруашылық істері комитетінің төрағасы.

«Қазақстан темір жолы» ҰК» АҚ корпоративтік және HR мәселелері басқармасы төрағасының орын­ба­сары Серік Әбденов жасанды билет тапшылығы мәселесін шешуге ба­ғытталған жұмыстар жөнінде баяндады. Ол жолаушыларды билетсіз тасымалдау, рәсімделмеген жүкті ба­қы­лау және алдын алуға арналған тек­серу қызметінің жұмысы қайта ұйым­дастырылғанын, сондай-ақ темір жол­дардың ІТ жүйесі жетілдірілгенін жеткізді.

– Билетті қайта сатып алу үшін «Мобиус» жүйесімен орындарды «ұстап» бұғаттау функциялары және күту парағы қарастырылған. Күту парағының функциясы билет сату жүйесінде орын болмаған жағдайда электронды кезекке тұруға мүмкіндік береді. Бос орын пайда болған соң, орынды сатып алу туралы ақпарат клиенттің жеке кабинетіне және оның электронды поштасына түседі. Клиенттің төлемді жүзеге асыруға 2 сағаты болады. Көрсетілген уақыт ішінде төлем болмаған жағдайда, өтінім автоматты түрде жойылып, орын келесі клиентке беріледі. Бұл жа­ңалық халыққа билетті касса мен делдалдарға жүгінбей-ақ алуға мүм­кіндік береді. Бүгін bilet.railways.kz сайтының әкім­шілігі жол жүру құ­жаттарының рұқ­сат етіл­­меген 60-тан астам есептік жаз­басын бұ­ғаттады. Осы жылдың қыр­күйек айының ортасына қарай топтық тасы­малға өтінім беру және рәсімдеу үдерісі автоматтандырылады. Ойдан шығарылған тегі бойынша билеттерді рәсімдеу мүмкіндігін шектеу және пойызға өзге біреудің билетімен отыр­ғызуды анықтау жұмыстары орындалып жатыр. Өзгерістерді пайдаланушылар bilet.railways.kz. сайты жаңа нұс­­қа­сында көре алады. Онда пойыз жү­ретін толық бағытты да, жолаушы жо­лының нақты бөлігін де бақылауға болады. Аталған функция алғаш рет сайт­тың мобильді нұсқасында да пайда болды, – деді С.Әбденов.

Спикер қысқа қашықтыққа сапарлайтын жолаушылар үшін төсек-орыннан бас тартуға мүмкіндік бере­тін жаңа опция енгізілгенін айтты. Бұл жағдайда оның бағасы билет құнынан шегеріледі.

Соңғы жаңалықтар

Ең қысқа әңгіме. Төреғали Тәшенов

Ең қысқа әңгіме • Кеше

Ең қысқа әңгіме. Құдияр Біләл

Ең қысқа әңгіме • Кеше

Ең қысқа әңгіме. Мади Сырымбетов

Ең қысқа әңгіме • Кеше

Ең қысқа әңгіме. Қойшыбек Мүбарак

Ең қысқа әңгіме • Кеше

Ең қысқа әңгіме. Жәудір Нартай

Ең қысқа әңгіме • Кеше

Ең қысқа әңгіме. Әлібек Байбол

Ең қысқа әңгіме • Кеше

Ең қысқа әңгіме. Болат Шарахымбай

Ең қысқа әңгіме • Кеше

Ең қысқа әңгіме. Асхат Өмірбаев

Ең қысқа әңгіме • Кеше

Күлкі керуені № 5

Руханият • Кеше

Меценаттың мырзалығы

Аймақтар • Кеше

Жазудың машақаты

Қоғам • Кеше

Әлемнің Әбдіжәмілі

Қазақстан • Кеше

Нан болса, ән болады

Қазақстан • Кеше

Белсене қатысу қажет

Қазақстан • Кеше

Ұқсас жаңалықтар