Жақсылық жасауды мақсат еткен шараны бай-бақуатты адамдар мен жүрегі жұмсақ жандар қолдап әкетті. Тұрақты мекенжайы жоқ адамдарға қолдау көрсету мақсатындағы іс-шара талай жанның жүрегін шаттыққа, жүзін қуанышқа бөледі.
Маңғыстау облыстық мәслихатының депутаты Аббат Өрісбаев, «CRUZ Logistics» жауапкершілігі шектеулі серіктестігі Батыс Қазақстан өңірі бойынша директоры Хитеш Чандра, жас кәсіпкерлер Әйгерім Айтбатырова және Шолпанай Смағұлова жалғызбасты зейнеткерлер мен тұрақты мекенжайы жоқ адамдарға көмек қолын созды.
Ерікті топ алдымен екінші топтағы мүгедек Ольга Головкованың үйіне барып, қажетті заттар табыстады. Бүгінде сексеннің сеңгіріне шыққан Ольга Алексеевнаның қуанғаны соншалық, көз жасына ерік берді. Оған гүл шоқтары, азық-түлік, «Зере» тігін шеберханасында тігілген төсек-орын жабдығының жиынтығы табысталды.
Содан соң көше кезіп, үйсіз жүрген жандарға ыстық тамақ үлестірілді. Олардың басым бөлігінің қай аумақтарда жүретіндері белгісіз, бірақ көшеде кездескендердің ешқайсысы назардан тыс қалмады. Бүгінгі шараны ұйымдастырушылар, аш жүрген жандарға қайырымдылық көрсеткен сауапты іс деп білетіндерін айтады және саналы адамдар бос уақыттарын пайдалы іске жаратқаны маңызды деп санайды. «Кез келген сауапты іс әрбір азаматты, әсіресе жастарды мейірімділікке және әр нәрсеге жанашырлық танытуға тәрбиелейді» дейді А.Өрісбаев.
«Адамның күні – адаммен» деген осы...
Маңғыстау облысы
