Руханият • 28 Қазан, 2019

Күлкі керуені № 8

4799 рет
көрсетілді
1 мин
оқу үшін
Күлкі керуені № 8

 

*Қысыр әңгіме

 

Сезікті секіреді

  – Неменеге күрсіне бересің, мұндай керемет оқиғалы шығарма әлі жазылған емес...

  – Оған күмәнім жоқ-ау...

  – Енді не, сонша толқып, сонша әбіржіп?

  – XVІ ғасырдағы үнді комедияларын оқыған біреулер шығып қала ма деп тұрғаным...

 

Керемет!

  – Мына  материал түкке тұрғысыз екен...

  – Ал, онда қол қойғаныңызға жол болсын!..

  – Тақырыбы керемет!..

 

Ағынан жарылды

Жасамыс жазушыдан:

  – Соңғы кезде не оқып жүрсіз? – деп едік:

  – Оқу тұрмақ, басымда барымды жазып үлгере алмай жүрмін... – дегені бар.

 

Қолынан келсе

  – Паңекең молодец!

  – Не бопты-ей?!

  – Соңғы кезде ел-жұрт жазушы Паңыт Асаровпен жиі кездесетін боп жүр.

  – Ұйымдастырушылар кімдер екен-ей?

  – Паңыт Асаровтың бір өзі дейді ғой...

 

«Есті» ескертпе

Жапал атты жазушы тұңғыш кітабы жарық көргенде әйеліне: «Сен де мен жөнінен мағлұмат жинай жүрсеңші, кейін естелік жазсаң таптырмайды ғой...» дегені бар.

 

С. САБЫР