Аймақтар • 05 Қараша, 2019

Алматыда Шыңғыс Айтматовтың «Жәмиласы» сахналанды

38 реткөрсетілді

Бәйтен Омаров атындағы «Жас сахна» театры шымылдығын «Жәмилә» премьерасымен ашты. Жаңа маусымдағы бұл туынды – театр репертуарындағы алғашқы қазақ тіліндегі қойылым. Ізденімпаз жастардан құралған театр қойылым үшін Қырғыз елінен режиссер Ұланмырза Қарыпбаевты арнайы шақырған. Тұсаукесерге жазушының ұлы Эльдар Айтматов келді. Режиссер мен актерлік құрам Шыңғыс Айтматовтың «Жәмила» повесін таңдапты, деп хабарлады Алматы қаласы әкімдігінің баспасөз қызметі.

Көптеген тілдерге аударылған шығармада тек соғыс зардабы немесе әйел тағдыры жайлы емес, одан терең, үлкен махаббат оқиғасы баяндалады. Қырғызстанннан арнайы шақыртылған даңқты жазушының ұлы әкесінің жаны қазақ елімен бірге болғанын айтты. «Әкем Қазақстанды өз елім деп есептейтін. Ол үшін екі ел арасында шекара болмаған. Балалық шағы өткен Шекер ауылы Қазақстанға жақын орналасқандықтан үнемі осы елмен тығыз байланыста болды. Осы елдің салт-дәстүрін жақсы білді. Бұл «Жәмила» повесті әкемнің алғашқы жазған туындыларының бірі болса да, өте танымал еді», дейді Шыңғыс Айтматовтың ұлы Эльдар Айтматов.

«Жәмила» - жас театрдың көрерменге қазақ тілінде ұсынған алғашқы қойылымы. Көрермендер автордың махаббатты биік қойғанын, қойылым режиссері де шынайы көрсете білгенін атап өтті.

Соңғы жаңалықтар

Күлкі керуені № 16

Руханият • Кеше

Ақынға арналған күн

Руханият • Кеше

Баспанамен қамтитын басты құжат

Бағдарламалар • Кеше

Болмысы бүтін Бағаев

Руханият • Кеше

Ұқсас жаңалықтар