Аймақтар • 15 Қараша, 2019

«Бір сынаған жаманды...»

15 реткөрсетілді

Елімізде мемлекеттік қызмет саясатын жүзеге асыру кезінде адалдық мәселесі ең маңызды рөл атқарады. «Қазақстан Республикасының Мемлекеттік қызметі туралы» Заңға сәйкес сыбайлас жемқорлық қылмысын жасаған адам мемлекеттік қызметке қабылданбайды.

Егер мемлекеттік қызметші қызмет атқару кезінде сыбайлас жем­қорлық құқық бұзушылық жа­саса, онда оның мемлекеттік қыз­меті тоқтатылады. Бұл – integrity check прин­ципінің іске асы­­рылуының дә­лелі.

Алайда, мемлекеттік қызмет­ші­лерден бөлек, азаматтық қыз­мет­шілер бар. Олар Қазақстан Рес­публикасының Еңбек кодек­сіне сәйкес тағайындау тәрті­бі­мен не конкурс бойынша аза­мат­­тық қызметке кіреді.

– Бұрын сыбайлас жем­қор­­­лық қылмысын жасаған адам аза­маттық қызметте бас­қа­ру функ­цияларын орын­дау­мен байланысты лауа­зым­­ға қа­был­­данбайды. Яғни, шаруашы­­лық жүр­гізу құқы­ғындағы мем­­ле­кет­тік кәсіпо­рын­дар­ға, ұлт­тық басқарушы холдингтерге, ұлт­тық даму институттарына, ұлттық холдингтерге және ұлт­тық компанияларға, сондай-ақ, олардың еншілес ұйымдарына басқару функцияларын орындаумен байланысты лауазымға бұрын сыбайлас жемқорлық қылмыс жасаған адамды жұ­мыс­қа орналастыруға жол бе­ріл­­­мейді, – дейді Сыбайлас жем­­қорлыққа қарсы іс-қимыл агент­тігінің Батыс Қазақстан облысы бойынша департаментінің басшысы Рустам Ақмырзаев.

Осылайша, 2018 жылы бұ­р­ын сыбайлас жемқорлық қыл­мыс жасаған адам басшылық ла­­уа­зымға тағайындағаны үшін Ақжайық, Бөкей ордасы, Жәнібек аудандарының Білім беру бөлімдері басшылары мен облыстық Білім беру басқармасы басшысының бұрынғы орынбасарына (кейін облыстық Білім саласындағы бақылау департаменті басшысы болған) әкімшілік айыппұл салынып, қызметтерінен шет­те­тілді.

Жақында департамент қыз­мет­керлері жүргізген сыбайлас жемқорлыққа қарсы мониторинг бұрын қылмыс жасаған 11 адамның басшылық лауазымда қызмет атқарып жатқанын анықтаған. Бұл басшылардың үшеуі сыбайлас жемқорлық бо­йынша жауапқа тартылған екен. Ескіру мерзiмі өтуiне байланыс­ты оларды тағайындаған лауа­зымды тұлғаларды әкiмшiлiк жауаптылыққа тарту мүмкін емес. Дегенмен, мұндай факті­лер­ге өте мұқият қарау керек деп санайды Сыбайлас жемқор­лық­қа қарсы іс-қимыл агенттігі депар­та­менті.

Дәл қазір облыста бір орта мектеп директорының үстінен пара алу фактісі бойынша сотқа дейінгі тергеу басталған. Сөйтсе, ол директор бұрын жым­қыру фактісі бойынша жа­уап­­қа тартылған екен.

– Қазталов ауданы Богатырев жалпы орта білім беретін мекте­бінде болған жағдай да алаң­да­у­шылық туғызып отыр, – дейді Рустам Ақмырзаев.

Оқиға былай болған: мектеп директоры осы білім ордасын тәмамдағалы жатқан 11 сынып оқушысының ҰБТ сынағынан жақсы нәтиже көрсетуіне ықпал ету үшін бұрынғы мектеп түлегі С.Фаизулиннен көмек сұраған. Ол С.Фаизулиннің қылмыстық ойынан хабарсыз болып, 1 млн теңге көлемінде ақша беруге ықпал еткен. Сонымен қатар мектептің екі түлегі «Алтын белгі» марапатына ие бол­уы үшін ҰБТ-да 100 баллдан жоға­ры ұпай жинауға көмек көр­се­туін сұрап, есепшотына 200 000 теңге ақша аударған.

Осылайша, С.Фаизуллин бірне­ше рет жасаған алаяқ­ты­ғы үшін айыпты деп танылып, оған 3 жыл 6 ай мерзімге бас бостандығын шектеу жазасы тағайындалды.

Ал мектеп директоры осы қылмыстық істер бойынша куә және С.Д.Фаизулиннің алдап-арбауында болған тұлға ретінде танылған. Бұл шешімді прокуратура және сот орындары тексеріп, заңды деп тапты.

– Дегенмен мектеп директоры А.Альдекешева ұлттық бірыңғай тестілеу қатаң тексеру арқылы жүргізілетінін қалайша білмеді? Неге ол алаяққа сеніп, ақша беруге ықпал жасады? Заңсыз ақша беруге ықпал еткен мектеп директорына қоғам сене ме? Осы әрекеттерден кейін өңірімізде білім сапасы жоғары­лайды деп айтуға бола ма? Бұл сұрақтарға Қазталов аудан­дық Білім беру бөлімі және Батыс Қазақстан облыстық Білім басқармасы басшылары жауап беріп, дұрыс шешім қабылдайды деген сенімдеміз, – дейді Сыбайлас жемқор­лыққа қарсы іс-қимыл агент­ті­гі­нің Батыс Қазақстан облысы бойынша департаментінің басшысы Рустам Ақмырзаев.

 

Батыс Қазақстан облысы

 

Соңғы жаңалықтар

Бұландыдағы берекелі іс

Аймақтар • Кеше

Мал баққанға бітеді...

Аймақтар • Кеше

Жер иесін тапса игі

Аймақтар • Кеше

Бәріміздің Абайымыз

Руханият • Кеше

Инвестициялар игілігі

Экономика • Кеше

Мақтааралда диқаншылық басталды

Аймақтар • 16 Қаңтар, 2020

Ұқсас жаңалықтар