Темір жолмен тасылған жүк көбейді

Оның айтуынша, тиелген жүк­тің үштен бір бөлігі, яғни 82,5 млн тоннасы экспортқа жө­нел­тілді. Компанияның негіз­гі қыз­меті­нен түскен табыс кө­лемі 930 млрд теңгеден асып, алдыңғы жыл­­мен са­лыстыр­ғанда 8 пайызға жоғары­лап­ты.

– Былтыр тарифтік жүк ай­налымы 1,8%-ға ұлғайды. Ел тұр­ғын­дары үшін және ком­му­налдық-тұр­мыстық кәсіп­орындарға көмір мен астық сияқты әлеуметтік-маңыз­ды жүктерді тасымалдауды да жыл­дағыдай жоспарға сай орын­­­дадық. Тасымалдаушы мен қазақ­стандық вагон иеле­рінің, атап айт­қанда «Қазте­міртранс» АҚ және «Астық­транс» АҚ-мен үйле­сімді жұ­мыс­тың нәтижесінде көмір тұ­ты­­нушылардың, сонымен қатар көмір разрездерінің тарапынан еш­қандай ескерту бол­ған жоқ. Ас­тық тасымалы­на қатысты өтініштер 100%-ға орындалды, – деді Қ.Сауыр­баев.

Баспасөз мәслихатында айтыл­ғандай, былтыр Атырау облы­сының Қарабатан станса­сынан Балтық теңізі порт­тарындағы Лужс­кая стансасына күкірт экс­порт­тау жолға қойылды. Қа­раған­ды облысында өндірілген кө­мір Шұ­баркөл разъезінен Қара те­ңіз порттарына қайта бағыттал­ды.

Компания басшысы тасымалдау жұмыстарының барын­ша ашық болуы үшін, соны­мен қатар клиенттерге неғұр­лым ың­ғайлы жағдай туғызу үшін тиісті құжаттарды қағаз­сыз технология­мен ресімдеу жобасы ен­гізіліп жатқанына тоқ­талды. Бұл туралы Қ.Сауыр­баев:

– Еліміз аумағында тасымал құжаттарын қағазсыз техно­логия бойынша ресімдеу 94 %-ды құрайды. 10 мыңнан ас­там ке­лі­сімшарт осылай ресім­делді. Қазақстан мен Ресей арасында экспорттық қаты­наста қағазсыз технология бойынша 6 мыңнан астам тасы­мал құжатын осылай ресім­дедік. Сондай-ақ Қы­тай, Әзер­бай­жан, Қырғыз теміржол әкім­шіл­іктерімен Электронды мәлі­меттер алмасу туралы келі­­сімге қол қойылды. Экс­порт­тық-импорт­тық қатынаста қа­ғаз­сыз техноло­гия интеграция­сын одан әрі жалғас­тырамыз, – деді.

Брифинг барысында ком­па­ния­­ның биылғы басым мін­дет­тері туралы айтылды. Атап айтқанда, Қытайға темір рудасын, астық пен бұр­шақ дақылдарын тасымал­дау қарқынын, Орталық Азия елдеріне, соның ішінде Өзбек­станға құрылыс заттарын, цемент экспорттау көлемін арттыру жоспарланған. Өзбекстан, сондай-ақ Қытай арқылы Оң­түстік-Шығыс Азияға көмір тасымалдау көлемі артуы тиіс. Ком­пания тран­зиттің өсімі есе­бінен тиеу көлемін жыл со­ңына дейін 2,5 %-ға арттыруды көздеп отыр.