Аймақтар • 16 Наурыз, 2020

СҚО-да жыл басынан бері 68 интернет-алаяқтық тіркелген

13 реткөрсетілді

Интернет – алаяқтық схемалары да қазір жетілдірілуде. Ондайды тіпті таныстар мен әріптестер де жасайтын болып барады. Жуырда банк саласында қызмет ететін 23 жасар Петропавл тұрғыны несиеге жиһаз алмақ болып барса үш ай бұрын өзінің атына 225 мың теңгенің заемы «алынғанын» біліп, шошып кетеді. Жұмыстағы әріптесі куәлік және банк карточкасының номерін біліп алып, оның атына заем рәсімдеген екен.

Ал карта мен куәліктің нөмірін білу үшін ол әріптесін алдап, өзінің карточкасы бұғатталғанын, ал атына 225 мың теңге туыстарынан түсуі керектігін айтып, нөмірлерді сұраған. Көп кешікпей атына түскен заемды ақкөңіл жігіт дереу әріптесінің атына аударған.  Сөйтсе, бұл ақша өзінің атына рәсімделген заем болып шыққан...

Осы алаяқтықты жасады деген күдікпен қазір Уәлиханов ауданының 25 жасар тұрғыны ұсталды. Қазір оның басқа да адамдарды да алдау мүмкіндігі анықталуда. Қазірдің өзінде ол тағы біреудің атына 190 мың теңге рәсімдеп, жымқырып кеткені белгілі болып отыр.

«Ешқандай артық кедергілерсіз және құжаттарсыз жедел мәміле жасаймыз» деген микронесиелік ұйымдардың жарнамалары ақырында осындай алаяқтықтарға да жол беріп отыр. Бар болғаны куәлік пен банк карточкасының нөмірін берсе болды, алаяқтар зардап шегушінің атына заем ала береді екен.

СҚО ПД Криминалдық полиция басқармасының бастығы, полковник Петр Климовтың айтуына қарағанда жыл басынан бері 68 алаяқ осындай жолмен өздерінің әріптестерін, таныстарын, туыстарын алдап кеткен. Соның ішінде 24-і онлайн-несиелендіру жолымен жымқырылған қаражат. Бұл былтырдың сәйкес мерзімімен салыстырғанда үш есе көп.  «Ешқашан, ешқандай жағдайда ешкімге өздеріңіздің персоналдық деректеріңізді бермеңіздер, куәліктегі фотоларыңызды ватсаппен жібермеңіздер,  пин-кодтарыңыз бен есепшоттарыңыздың номерін бере көрмеңіздер», дейді ол.

Солтүстік Қазақстан облысы

Соңғы жаңалықтар

Дәрігерлерге алғыс білдірді

Елорда • Бүгін, 21:19

Бейқамдыққа жол берілмеуі керек

Руханият • Бүгін, 19:44

Коронавируссыз Қостанай

Аймақтар • Бүгін, 19:27

Күріш экспортына кедергі жоқ

Аймақтар • Бүгін, 18:35

Әлем үнемделе бастады

Әлем • Бүгін, 18:23

Шымкентте індет жұқтырған тағы 8 адам анықталды

Оңтүстік Қазақстан • Бүгін, 17:36

Кәдімгі бір Қыдыр-ата сияқты

Әдебиет • Бүгін, 17:27

Ұқсас жаңалықтар