Бұл мақсатқа 900 миллион тенгеге жуық қаржы қарастырылған. Аталған сома әр жан басына шаққанда күнкөріс деңгейі 27 666 тенгеден кем болған жағдайда төленетін болып шешілді. Өңірде мұндай санатқа кіретін 44 534 адам бар. Сөйтіп жоғарыда айтылған тәртіптерге сәйкес өңірдегі аз қамтылған және көпбалалы отбасыларға, сондай-ақ жалғыз басты қариялар мен әлеуметтік аурумен ауыратын науқастардың отбасыларына аталған қаржылай көмек беріле бастайды.
- Жөн екен. Қазіргі үйден қарыс қадам аттап шығуға болмайтын төтенше жағдайда оны тұрғындар қалай алмақ? Оның үстіне бүгінде әлеуметтік төлем мекемелерінің бәрі жабық, қызметтері уақытша тоқтатылды емес пе?
«Egemen.kz» тілшісі тарапынан қойылған бұл сауалға Ақтөбе облыстық Жұмыспен қамту және әлеуметтік бағдарламалар басқармасының басшысы Бұлбұл Елеусінова төмендегіше жауап қайтарды.
- Бұл қаражаттарды алу үшін тұрғындарға еш жерге аяғымен жүріп барудың қажеті жоқ. Өйткені арнайы жасақталған базада осындай санатқа кіретін азаматтардың деректері сақтаулы. Қаржылай көмек осы мәліметтер бойынша есептеліп, азаматтардың есепшоттарына аударылады, - деді басқарма басшысы.
Әрине, мұндайда бәрекелді деудің әбден жөні бар.
Ақтөбе облысы
