– 2018 жылы ТОБЖ (талшықты оптикалық байланыс желісі) жобасы басталғанға дейін елімізде 1200 елді мекен талшықты-оптикалық байланыс желілеріне қосылған болатын. Қазіргі жоба жүзеге асырылғаннан кейін, 2020 жылдың аяғында олардың саны 2000-ға жетеді. Одан бөлек, LTE800 стандартты станцияларының желісіне қосылу арқылы, халқы кемінде 250 адамнан тұратын үш жарым мыңға жуық ауыл радиосигналмен қамтылады. Ал елімізде барлығы 6 мың ауыл бар екенін ескерсек, біз бүкіл ауылды 100 пайызға дерлік интернетпен қамту туралы айтып отырмыз. Тек халқы 100 адамнан кем өте кішкентай елді мекендер ғана қамтылмай қалады, - деді ол.
