Хельсинки қаласында Қазақстанда дипломатиялық миссиясын аяқтаған Финляндияның елшісі Микко Киннуненді Қазақстан Республикасының Құрмет грамотасымен марапаттау салтанаты өтті, деп хабарлады ҚР СІМ-інің баспасөз қызметі.
Хельсинки қаласында Қазақстанда дипломатиялық миссиясын аяқтаған Финляндияның елшісі Микко Киннуненді Қазақстан Республикасының Құрмет грамотасымен марапаттау салтанаты өтті, деп хабарлады ҚР СІМ-інің баспасөз қызметі.
Мемлекеттік марапатты тапсыруда елші Ғалымжан Қойшыбаев Мемлекет басшысының атынан фин дипломатына екі ел арасындағы достық пен ынтымақтастықты күшейтуге қосқан үлесі үшін алғысын білдірді.
Өз кезегінде, фин дипломаты өзінің елші ретіндегі қызметін қолдағаны үшін Қазақстан басшылығына шын ризашылығын жеткізді.
2009 жылы ашылған Финляндияның Астанадағы елшілігін басқарған М.Киннунен Финляндияның Қазақстандағы алғашқы елшісі, сондай-ақ Орталық Азия аймағындағы өз елінің бірінші өкілі болды.
Елімізде Финляндия елшілігінің ашылуы Қазақстан Президенті Н.Ә.Назарбаевтың осы елге алғашқы мемлекеттік сапары барысында екі мемлекет басшысының уағдаластығы қорытындыларының бірі болған еді.
