- Яғни, "Таза су айдындары" айлығына табиғатты қорғау мекемелері мен жергілікті атқарушы органдар, табиғатты қолданушылар қатысты. Судың жағасы тұрмыстық қалдықтардан тазартылды. Биыл карантинге қарамастан рейд кезінде облыстың су айдындары шаруашылығында 140-тан астам табиғатты қорғау заңнамасын бұзу фактілері анықталып, хаттама толтырылды. Заң бұзушылардан 35 браконьерлік қаруы мен 10 қайық, үш моторлы қайық алынды,-дейді Р.Төлепбаев.
Ал, өңірдегі су айдындарында заңсыз балық аулаған тұрғындарға 2 миллион теңгеден астам айыппұл салынып, айыппұл сомасы өндірілген.
Мысалы, су айдындарынан 4 шақырымнан астам иесіз жатқан аулар анықталып, шамамен 9 тоннаға жуық қатты тұрмыстық қалдық шығарылған.
Заң бұзушылықтарды есептей келсек, бір ай аралығында жүзу құралынсыз рұқсатсыз жүргені үшін 7 жағдай, балық аулау ережесін бұзудың 28 рет фактісі тіркелді.
Сонымен бірге, 12 келі заңсыз ауланған балық пен екі жүзу құралы, 6 аулау құралы алынып, барлығы 35 заң бұзушылық анықталды.
Жануарлар дүниесін қолдануға шектеу қою – жануарларды қорғаудың бір тәсілі. Осы уақытта су айдындарында кез келген құралмен балық аулауға тыйым салыынады, балықтардың уылдырық шашуы кезеңінде катер және басқа да жүзу құралдарымен жүруге болмайды.
Сонымен қатар биыл балық шаруашылығы ғылымының кеңесі негізінде инспекциямен балық аулауға тыйым салу мерзіміне өзгерістер де енгізілді.
