Қазір аймақта дәрі-діәрмек тапшылығын жою жұмысы жалғасуда. Өңір дәріханаларына қажетті препараттар тоқтаусыз жөнелтілуде. Дәрі-дәрмектің қол жетімділігін қадағалайтын мониторинг тобытоқтаусыз жұмыс істеуде. Жақында арнайы топ Талдықорғанда орналасқан бірқатар медикаменттердің көтерме қоймасын аралап, көрді. Жұмыс тобы алдымен «Медсервис плюс» серіктестігінің қоймасына барды. Серіктестіктің Талдықорған филиалының директоры Қадырбек Күдериннің айтуынша, бұл жеке медициналықкомпания өңірдің 130 дәріханасына дәрі-дәрмек жеткізіп отыр.
- Бүгінгі күні коронавирустың таралуына байланысты халық арасында вирусқа қарсы препараттар, антикогулянттар (қанды сұйылтатын дәрілік заттар), антибиотиктер үлкен сұранысқа ие болуда. Бізге аптасына бір рет тауар келіп түседі, дәріханалардан келіп түскен тапсырысға сәйкес бұл тауарларды компания көліктерімен сатылым нүктелеріне жеткізіп береміз, - деді Қ. Күдерин.
Жұмыс тобының атбасын тіреген келесі нысаны - гуманитарлық көмек қоймасы. Мұнда Қытайдан, Катардан және басқа да елдерден жеткізілген жеке қорғаныс құралдары: бетперделер, медициналық респираторлар, қолғаптар, қорғаныс костюмдері жеткілікті. Бұл жеке қорғаныс құралдары өңірдің медициналық ұйымдары арасында бөлінетін болады. Ал «СК Фармация» компаниясында мониторинг тобының мүшелері облысқа қажетті дәрі-дәрмектердің тиеліп әкелініп жатқанына куә болды.
- «СК Фармация» - емханалар мен ауруханалар үшін дәрі-дәрмек жеткізетін бірыңғай ұйым. Дәрілік заттар түсіріліп болған соң аудандар мен қалалардың емханалары мен ауруханаларына кешіктірмей бөлініп берілетін болады. Облыс әкімі Амандық Баталовтың тапсырмасына сәйкес жергілікті бюджеттен дәрі-дәрмек сатып алуға қосымша 500 млн теңге бөлінді. Сонымен қатар 50 млн. теңгеге вирусқа қарсы препараттар сатып алужоспарланып отыр. Бұл препараттар қауіп-қатер тобындағы азаматтарға, атап айтқанда егде жастағылар, созылмалы аурулары барлар және басқа да санаттағы азаматтарға тегін берілетін болады, - дейді облыс әкімінің орынбасары Батыржан Байжұманов.
