Медицина • 21 Шілде, 2020

Демеу күшейді

10 рет көрсетілді

Елімізге Үндістан мен Ресейден жеткізіліп жатқан дәрі қорының қомақты үлесі Тобыл өңіріне де жетті. Осыдан кейін аймақта дәріхана қоймаларын қажетті дәрі-дәрмекке толтыру мәселесі де реттеле бастады.

Ауадай қажет анти­био­тик­тердің ай­маққа жеткі­зіл­геніне 2-3 күн болды. Әлеу­­­меттік маңызы зор пре­парат­тар­дың ішінде ішкі бұлшық етке дәрі салу үшін ерітінді дайындауға арналған 58 мың құты цефтриаксон, 36,5 мың цефазолин, 20 мың қаптама ацетилин, 3 мың қаптама тамифлу мен терафлю, сондай-ақ ем алып жатқан науқастардың қаны ұйып қалмау үшін қолданылатын 200 қаптама клексан дәрісі бар.

«Стофарм» серіктес­ті­гі­нің коммер­циялық ди­рек­­торы Сергей Аткин­нің айтуынша, шетелдік дәрі­лер бір тәуліктің ішін­де облыстың барлық дәрі­ха­насына таратылып, саудаға шығарыла бастаған.

 – Бүгінде тұрғындар үшін азитромицин дәрісі де қолжетімді екенін айта кету керек. Қорда барлығы 6 мың қаптама бар. Сондай-ақ вирусқа қарсы гроприносин деп аталатын дәрінің 3,5 мың қаптамасы таратылуда. Қазір дәрі-дәрмектерді аймақ­тағы 300-ге жуық дәрі­ха­наға барынша тезірек таратып беруге күш салудамыз. Әйтеуір халыққа дәрі тап­шылығын сездірмеу үшін қолдан келгеннің бәрін істеп жатырмыз, – деді С. Аткин.

Мұның сыртында, аймақ­та­ғы ірі дәріхана желілеріне қаржылай қолдау көрсетіле бас­та­ды. Өткенде ғана облыс әкімі Архимед Мұхамбетов көтерме сауда фирмалары мен ірі дәріхана жүйелерінің басшыларымен кездесті. Кездесу барысында дәріхана жүйелеріне қайтарымды қаржылай көмек беру туралы шешім қабылданған.

– Бұл мақсатқа бірден 300 млн теңге бөлініп, дәріха­на­ларға облыс тұр­ғын­дарын аса зәру дәрілермен қам­та­ма­сыз ету міндеті жүктеліп отыр. Оның қата­рына қызу түсіретін, вирусқа қарсы қол­да­­нылатын препараттар, сондай-ақ қан қоюлануын тежейтін антибиотиктер жатады. Дәріхана иелері қа­ры­зға берілген қаржыны ешбір өсімақысыз жыл соңы­на дейін қайтарып бере алады, – деді Тауарлар және көрсетілетін қыз­мет­тердің сапасы мен қауіп­сіздігін бақылау департа­мен­тінің басшысы Орал Бекмағамбетов.

Денсаулық сақтау бас­қар­масының мәлі­метін­ше, таяу күндері облысқа Ре­сей­ден шыққан дәрі-дәрмектің жаңа легі келіп жетуі тиіс. Әлеуметтік маңызы бар бұл дәрілердің бәрі тұр­мы­сы төмен отба­сыларға таратылып беріледі.

 

Қостанай облысы

 

Соңғы жаңалықтар

Доллар бағасы тағы арзандады

Экономика • Бүгін, 11:30

Күлше қыз

Театр • Бүгін, 09:25

Гүлдердің сырын ұққан...

Өнер • Бүгін, 09:24

Қалдықты кәдеге жаратты

Аймақтар • Бүгін, 09:22

Ақылы автожол көбейді

Қазақстан • Бүгін, 09:18

Digital теңсіздік

Технология • Бүгін, 09:14

Елін сүйген ерен ер

Тарих • Бүгін, 09:11

Расиманың асүйі

Қоғам • Бүгін, 09:07

Алакөлге пойызбен баруға болады

Аймақтар • Бүгін, 09:01

Асарлатып алтыншы үй салды

Аймақтар • Бүгін, 09:00

1500 отбасы баспаналы болады

Аймақтар • Бүгін, 08:58

Ұлы мұрат ұстыны

Пікір • Бүгін, 08:54

Адамзатқа қалтқысыз қызмет

Таным • Бүгін, 08:42

Шынашақтай спортшы шындығы

Спорт • Бүгін, 08:39

Ұқсас жаңалықтар