Саясат • 27 Шілде, 2020

58 үміткер тіркелді

16 рет көрсетілді

Орталық сайлау комиссиясының кезекті отырысы өтіп, онда Сенат депутаттарын сайлау науқанына қатысты бірқатар мәселе қаралып, үміткерлерді тіркеу қорытындылары жарияланды.

Одан бөлек қатысушылар сайлау бюллетеньдерін дайындау және сайлауда шет мемлекеттердің, ха­лық­аралық ұйымдардың байқау­шы­лары, шетелдік бұқаралық ақпа­рат құралдары өкілдері қызме­тінің кейбір мәселелерін талқы­лады. Кан­дидаттарды тіркеу қоры­тын­дылары туралы аумақтық сайлау комис­сияларының төрағалары баян­­дады.

23 шілде сағат 18.00-дегі жағ­дай бойынша облыстардың, Нұр-Сұл­тан, Алматы және Шым­кент қалаларының сайлау ко­мис­сия­лары Қазақстан Республи­касы Пар­ламенті Сенаты депутат­тарының 17 мандатына ұсынылған 94 адамның ішінен 58 кандидат­ты тіркеді. Орта­ша есеппен бір орынға 3 үміткерден келеді. Өңірлер арасында ең көп кан­дидат Нұр-Сұлтанда және Ақмо­ла облысында 5 адамнан тіркелген. Кандидаттардың 48-і (82,8%) ер, ал 10-ы (17,2%) әйел.

Орталық сайлау комиссиясының төрағасы Берік Имашев әйелдердің белсенді екенін атап өтті. Олардың пайыздық көрсеткіші – 17,2. Бұл өткен сайлау науқанымен салыс­тырғанда 2 есе жоғары. Маман­дықтар бойынша 19 инженер, 13 экономист, 8 педагог, 7 аграрлық сала қызметкері, 5 дәрігер, 3 заңгер, 1 саясаттанушы және 2 басқа сала қыз­меткері тіркелген. 23 шілдеде сағат 18.00-ден бастап Сенат де­пу­­­­тат­­­тығына тіркелген барлық канди­­дат­тар сайлау алдындағы үгіт жұ­мыс­­тарын бастап кетті, ол 11 та­­мыз күнгі сағат 00.00-ге дейін жал­ға­сады.

Ал ОСК хатшысы Сабила Мұста­фина сайлау бюллетеньдерін әзір­леуге қатысты баяндама жасады. Комиссия қабылдаған «2020 жылы 12 тамызға тағай­ын­далған Қазақстан Республи­касы Парламенті Сенаты депутат­тарының сайлауына сайлау бюллетеньдерін дайындау туралы» қаулыға сәйкес облыстық, Нұр-Сұлтан, Алматы, Шымкент қалалық комиссияларына тиісті әкімшілік-аумақтық бірліктің сайлаушылар санына сәйкес бюллетеньдер да­йындау тапсырылды.

Комиссия мүшесі Серік Сыды­қов Орталық сайлау комиссиясы Қазақстан Республикасының Бас мемлекеттік санитарлық дәрі­герімен бірлесіп сайлауды өткізу ке­зінде коронавирустық инфекция­ның таралуының алдын алу бойын­ша ұсынымдар әзірлеп, қол қойға­нын хабарлады. Жалпы сайлау про­цесінің санитарлық қауіпсіз­дігін қамтамасыз ету бойынша негіз­гі шешімдерді облыстар, респуб­ли­калық маңызы бар қалалар мен ас­тананың аумақтық сайлау комис­сиялары Бас мемлекеттік сани­тар­лық дәрігерлермен бірлесіп қабыл­дайтыны айтылды.

Ал шет мемлекеттер мен халық­­аралық ұйымдардың байқау­шы­лары Сыртқы істер министрлігінің ұсы­нысы бойынша аккредиттеледі. Шетелдік БАҚ өкілі Сыртқы істер министрлігі берген аккредиттеу туралы куәлігі болған жағдайда сайлау­ды бақылай алады.

 

Соңғы жаңалықтар

Қазақтың Қыз Жібегі

Руханият • Кеше

Азаттық архитекторы

Елбасы • Кеше

Ақ боранның азаптары

Аймақтар • Кеше

Адам өмірі үшін арпалыс

Аймақтар • Кеше

Ұқсас жаңалықтар