Қазіргі уақытта елде 21 көлік-логистикалық орталық жұмыс істейді. Атап айтқанда, Алматы облысында - 6 КЛО, Нұр-сұлтан қаласында – 5, Ақтөбе облысында – 4, Шымкент қаласында – 2, ШҚО– 1, Маңғыстау облысында – 2, Алматы қаласында-1.
Сондай-ақ "Қазақстан темір жолы" ҰК" АҚ елдің ірі қалаларында (Нұр-Сұлтан, Шымкент, Ақтау, Ақтөбе, Атырау, Қостанай, Орал, Павлодар және Өскемен) 9 КЛО салу жоспарлануда. Қазіргі уақытта "KAZAKH INVEST" АҚ-мен бірлесіп көлік-логистикалық орталықтар құрылысы үшін инвесторларды тарту бойынша жұмыстар жүргізілуде.
2020-2025 жылдарға арналған "Нұрлы жол" мемлекеттік бағдарламасын іске асыру жөніндегі іс-шаралар жоспарына сәйкес, Нұр-Сұлтан қаласында тағы бір КЛО салу көзделген.
Естеріңізге сала кетейік, ҚР Индустрия және инфрақұрылымдық даму министрлігі Кедендік органдарды алдын ала ақпараттандыру бойынша транзиттік рәсімдерді жеңілдету аясында әуе, теміржол және авто көлік үшін "e-Freight", "ҚТЖ-Жүк тасымалы" жүйелері, "Халықаралық жол тасымалы" Қазақстандық автомобиль тасымалдаушылары Қауымдастығының жүйесі жұмыс істейді. Жүйе ҚР Қаржы Министрлігінің "АСТАНА-1" кеден жүйесімен интеграциялану үдерісінен өтуде.
Бұдан басқа, Министрлік жүк тасымалдарын жүргізу кезіндегі қағаздағы құжат айналымын алып тастады. Осылайша, ҚР ИИДМ Көлік комитетінің көліктік деректер базасының ақпараттық-талдау жүйесі мен электрондық үкімет порталының (EGOV) интеграциясын жүргізгеннен кейін тасымалдаушылар жақында қағаз рұқсат беру құжаттарын алып жүрудің қажеті жоқ. Сондай-ақ ИИДМ ағымдағы жылдың 15 сәуірінен бастап көліктік бақылау бекеттеріндегі қағаз рұқсаттарды тексеруді тоқтатты. Осы шаралардың барлығы жылына А4 форматындағы 65 мыңнан астам қағазды үнемдеуге мүмкіндік береді.
