Қазақстан • 10 Тамыз, 2020

Қазақстан темір жолы биылғы астықты тасымалдауға дайын

13 рет көрсетілді

2020 жылдың 7 айында теміржолшылар 4,7  млн тоннадан астам астықты тасымалдады. Соның 1,3 млн тоннасы еліміз ішінде тасымалданса, бұл 2019 жылғы деңгейден 2% жоғары, экспортқа  – 3,4 млн тонна, деп хабарлайды Egemen.kz

Қаңтар – шілде кезеңінде "ҚТЖ" ҰК" АҚ 1,5 млн астам ұн және ұнтақ өнімдері тиелімін қамтамасыз етті.  Биылғы астықты тасымалдауды ұйымдастыру мәселелері "ҚТЖ" ҰК" АҚ Басқарма Төрағасының Бірінші орынбасары Қанат Әлмағамбетовтың төрағалығымен өткен онлайн-кеңес барысында талқыланды. 

Кеңеске мемлекеттік органдар, "Азық түлік корпорациясы" ҰК" АҚ, "Астық транс" АҚ өкілдері, астық трейдерлері қатысты. Кездесу Биылғы астықты тасымалдауға дайындық бойынша кешенді жоспар шеңберінде өткізілді. 

Өткен жылға қарағанда экспортқа астық тиеу 1,3 млн тоннаға, соның ішінде Еуропалық бағытқа, Орталық Азия елдеріне, Иран мен Қытайға кемігені атап өтілді. Тасымал кемуінің себебі – 2019 жылғы егіннің төмен болуы, коронавирус пандемиясы салдарынан экспортқа шектеу енгізілуі және өзгелері. Бұл ретте, ұңтақ өнімдерінің тиелімі Өзбекстанды қоспағанда, барлық бағыттар бойынша орташа 43% өсімінің тендециясы бар. 

Қанат Әлмағамбетов астық тасымалы тиімділігі үшін тасымал процесі барлық қатысушыларының үйлесімді іс-әрекеті қажет екендігін атап көрсетті. 

Оның мәліметіне қарағанда, "ҚТЖ" ҰК" АҚ паркі биылғы астықты тасымалдау үшін дайын. Қазақстандық жабық вагондар паркі 13 мың данадан астам деп саналса, соның шамамен 8 мыңы "Қазтеміртранс" АҚ иелігінде болып табылады. Астық тасымалдаушылар паркі 9 мың данадан астам болса, соның 6,5 мыңы "Астық Транс" АҚ басқаруында. 

Жүкжөнелтушілердің кірме жолдарында жылжымалы құрамды нормадан асыра ұстауды қысқартып, паркті тиімді пайдалану арқылы күзгі вагондар жетіспеушілігі тәуекелін болдырмауға болады. 

Ай бойында тиелімнің біркелкі еместігі сондай-ақ жылжымалы құрамның жетіспеушілігін қолдан жасайды. Ай сайын 5-не дейінгі тәуліктік тиелім 60 астық тасымалдаушыға дейінгіні құрайды. Айдың екінші онкүндігінде тапсырыс беру саны бірден тәулігіне 1200 астық тасымалдаушыға дейін өсіп кетеді. 

Мамандардың есептеуі бойынша,  мәлімделген өнімді алып кету үшін вагондар айналымын қысқарту қажет. Сонымен, егер астық тасымалдаушы айналымын бір тәулікке қысқартса, жылжымалы құрам үнемі 550 астық тасымалдаушыға жетеді. 

Жүріс жылдамдығын арттыру үшін ҚТЖ Өзбекстанға және Орталық Азия елдеріне маршруттық пойыздарды (астықтық және ұндық шаттлдарды) құруға дайын. 

Сондай-ақ ауыл шаруашылығы өнімдерін тасымалдауды жүзеге асыратын жүкжөнелтушілерді қолдауға бағытталған әр түрлі іс-шаралар кешені іске асырылуда. Сонымен, 2020 жылға Қазақстаннан Өзбекстан аумағы бойынша астық және ұн тасымалдауға қолданыстағы ТМД тарифтік саясаты ставкасымен жеңілдік белгіленген. 

2020 жылдың 1 наурызынан Өзбекстан аумағы арқылы транзитпен Ауғанстанға олардың кімге тиесілі екендігіне қарамастан, бидай мен ұнды вагондармен тасымалдау кезінде жеңілдіктер қарастырылған. 

Астық тасымалын ұйымдастырумен байланысты мәселелерді жедел шешу үшін дәстүр бойынша 1 қазаннан "ҚТЖ" ҰК" АҚ Басқарма Төрағасының Бірінші орынбасарының басқаруымен Компанияның орталық аппаратында астық тасымалын ұйымдастыру жөніндегі штаб жұмысына кіріседі. Ақмола, Қостанай, Маңғыстау жол бөлімшелері жанынан жедел астық топтарының тәуліктік жұмысы ұйымдастырылады. 

Кеңесті аяқтай келе Қ. Әлмағамбетов "ҚТЖ" ҰК" АҚ өз тарапынан жүкжөнелтушілердің тапсырысын толық көлемде қамтамасыз етуге бағытталған барлық мүмкін болатын шараларды қабылдайтындығын атап кетті.  

Соңғы жаңалықтар

Елімізде тағы 55 адам індеттен айықты

Коронавирус • Бүгін, 09:00

Алыстан жеткен алғыс

Аймақтар • Кеше

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Таразда тұңғыш рет күрделі ота жасалды

Аймақтар • 18 Қыркүйек, 2020

Қазақстанда темекі қымбаттайды

Қоғам • 18 Қыркүйек, 2020

Кепілге алған көлігін қайтармаған

Аймақтар • 18 Қыркүйек, 2020

Ұқсас жаңалықтар