Технология • 17 Тамыз, 2020

Google-дің сейсмикалық хабаршысы

17 рет көрсетілді

Google компаниясы дүние жүзі бойынша жер сілкінісі туралы алдын ала ескерту жасайтын ең ауқымды жүйе жасап шығарды. Бұл технологиялық жаңалық туралы wired.com хабарлады.

Google жасаған жүйе Android қолданушыларға жер сілкінісі болардан сәл ерте хабарлама жібереді. Ол үшін смартфондарға орнатылған акселерометр пайдаланылады.

Алпауыт компанияның ресми блогында айтылғандай, әлемнің әр түкпірінде күн сайын түрлі дә­режеде жер сілкіністері болып жа­тады. Та­биғи апат төніп келе жат­қаны жайлы адамдарға дер уақы­тында ескерту жасау олардың алдын ала дайындалып үлгеруіне мүм­кіндік беретіні анық. Алайда қауіп-қатер туралы халықты құ­лақ­тандыру жұмыстары үлкен шы­ғынды қажет етеді, көп­теген аймақтарда оған қажетті инфра­құ­рылым да жасалмаған. Сол себепті ком­пания әлем бойынша жүз­деген миллион адам қолданатын Android-ты сей­ми­калық хабаршы ретінде қолдануды жоспарлап отыр.

– Смартфондардың бә­рінде кіп-кіш­кентай акселерометр бар. Оны жердің ең төменгі тербелісін анық­тауға пайдалануға болады. Жер сіл­кінісі кезінде алдымен адамдарға сезілмейтін өте баяу тер­белістер бо­лады. Содан кейін ғана белгілі бір уақыттан соң жоғары жиі­лікті тер­белістер басталады. Ак­селе­роме­трдің хабаршысы алғашқы тербелісті анықтап, қабылдаған деректерді тиісті серверге жіберіп отырады. Сер­верде деректер өте аз уақыт ішін­де өңделеді. Сол арқылы тербеліс се­зілген жер­лердің координаттарын да біліп отырамыз, – дейді компания өкілдері.

Орталық серверде смартфондардан түскен деректерді өңдеу жыл­дамдығы өте жо­ғары және дәл. Қай аймақта қанша балл жер сілкінісі болуы ықтимал екендігін көр­сетеді. Қорытылған де­рек­­тердің негізінде смартфон иесіне  ескерту жібереді.

Google өкілдері айтқандай, сейсмикалық қауіп кезінде бірнеше секундтың өзі адам­дардың өмірін сақтап қалу үшін өте маңызды рөл ойнайды. Жұрт сол аралықта бас сауғалайтын жер тауып үлгеруі мүмкін. Сонымен қатар бұл технология зардап шеккен аймақтарды тез арада және дәл анықтауға, яғни құтқару жұмыстарын барынша тез ұйымдастыруға көмектесетінін айта кету керек.

Google жаңа жүйені АҚШ-тың геологиялық қызм­етімен бір­­лесіп, Калифорния штатында ар­на­йы сынақтан өткізіп үлге­ріп­ті. Жеті жүз­ден астам сейсмометр орна­ласқан, АҚШ-тағы жер сіл­кінісі ең жиі тір­келетін штат­­тардың біріндегі сынақ сәтті өткенге ұқсай­ды. Ком­пания ендігі кезек­те жаңа жүйені алдымен басқа штат­тарға, одан кейін дүние жүзіне таратуды жоспарлап отыр.

Wired.com-ның хабарла­уын­ша, сейсмикалық ес­кер­ту қызметі Google Play арқылы 5.0 және одан жоғары нұсқадағы барлық Android-тарға таралады. Яғни дүние жүзі бойынша қолданыста жүрген 2,5 млрд Android  құрылғыларының 94 пайызын қамтиды. Сейсми­калық құлақтандыру функция­сын активация жасау немесе өшіріп қою Android-тың баптауларында көрсетіледі.

Соңғы жаңалықтар

Қыран қанатында қалықтаған жыр

Руханият • Бүгін, 08:43

Сөз сойыл №105

Руханият • Бүгін, 08:39

Құнды қазына орталығы

Руханият • Бүгін, 08:15

Инвестиция тартуға күш салуда

Аймақтар • Бүгін, 08:12

Талапты қыз Тәліпова

Спорт • Бүгін, 08:10

Тарихта тұрлау болған ба?

Тарих • Бүгін, 08:08

Сербияда сайысқа түседі

Бокс • Бүгін, 08:06

Шүкіршілік

Руханият • Бүгін, 08:02

Бастамаларды қолдау алаңы

Саясат • Бүгін, 08:00

Алаш топырағындағы алтын тарих

Ең қысқа әңгіме • Бүгін, 08:00

Ахуал алаңдатып тұр

Аймақтар • Бүгін, 07:52

Ақ желеңді абзал жандар

Қоғам • Бүгін, 07:47

Жарқайыңның жомарт жандары

Аймақтар • Бүгін, 07:40

Үндістандағы ахуал нашар

Әлем • Бүгін, 07:32

Жол – мемлекеттің күретамыры

Аймақтар • Бүгін, 07:24

«Указной молда»: Ол кім?

Руханият • Кеше

Қылаң

Таным • Кеше

Ұқсас жаңалықтар