Қоғам • 18 Тамыз, 2020

Биыл 1,2 миллионнан астам адамды жұмыспен қамту шараларына тарту жоспарланған

17 рет көрсетілді

2020 жылы жұмыспен қамтуға жәрдемдесу шараларына 1 миллион 220 мың адамды тарту жоспарланған. Бүгінгі таңда бұл шаралармен 743 мың қазақстандық қамтылды. Бұл туралы Еңбек және халықты әлеуметтік қорғау вице-министрі Серік Шәпкенов Президент жанындағы Орталық коммуникациялар қызметінде өткен брифингте айтты, - деп хабарлайды Egemen.kz.

«Елімізде жұмыс істейтін барлық мемлекеттік бағдарламалардың әлеуетін ескере отырып, биыл 1 миллион 220 мың адамды жұмыспен қамтуға жәрдемдесудің белсенді шараларына тарту жоспарлануда. Бүгінгі таңда бұл шараларға 743 мың қазақстандық қатысты», –  деді Серік Шәпкенов өз сөзінде.

Вице-министр 379 мың адам «Еңбек» нәтижелі жұмыспен қамтуды және жаппай кәсіпкерлікті дамыту мемлекеттік бағдарламасының қатысушысы болғанын атап өтті.

«Шағын кәсіпкерлікті дамытудың мемлекеттік бағдарламасын іске асыру аясында 5 800 микрокредит пен 17 200 қайтарымсыз грант берілді. 5 800 микрокредит алушы қосымша 6151 тұрақты жұмыс орнын құрды. 156 мың қазақстандық мемлекет субсидиялайтын жұмыс орындарына орналастырылды. Жұмыспен қамту орталықтары арқылы 130 мың адам бос жұмыс орындарына тұрды. 34,5 мың адам кәсіпкерлік негіздері бойынша қысқа мерзімді оқудан өтті. Қыркүйек айында ҰБТ тапсыра алмаған 20 мыңнан астам талапкер жұмысшы мамандықтары бойынша ақысыз кәсіптік-техникалық оқуға жіберіледі», – деді ол.

Серік Шәпкенов, сонымен қатар, б Жұмыспен қамтудың жол картасы (бұдан әрі – ЖҚЖК) аясында 6,4 мыңға жуық жоба жүзеге асырылып жатқанын,  бүгінде 154 мың адамды жұмыспен қамтығанын айтты. Олардың 73%-ы ауылдық жерлерде тұрады, 37%-ы жұмыссыз жастар, 17%-ы бұрынғы бейресми жұмысшылар және 9%-ы табысы аз отбасылардың мүшелері.

«ЖҚЖК жобалары бойынша орташа жалақы 130 мың теңгені құрайды. 154 мың адамның жалақысына шамамен 75 миллиард теңге жұмсалды. Осылайша, 600 мыңнан астам адам, оның ішінде отбасы мүшелері табыс көзімен қамтамасыз етілді. Жобаларға қатысқан кәсіпкерлік субъектілері 370 млрд. теңгеге тапсырыс алды. Әкімдіктермен бірлескен бағалауға сәйкес, 19 мыңға жуық шағын және орта бизнес өкілдері ЖҚЖК жобаларын жүзеге асыруға құрылыс материалдарын сатушы және мердігер ретінде қатысты, кем дегенде 114 мың адам жұмыс орындарын сақтап қалды», - деді вице-министр. 

Серік Шәпкенов Жол картасын іске асыру болашақта оң әлеуметтік-экономикалық нәтиже беретіндігін атап өтті.

«Атап айтқанда, білім беру саласындағы 80 жаңа объект авариялық және үш ауысымды мектептер, ауылдық жерлерде білім алуға қолжетімділік проблемаларын шешумен қатар, мұғалімдерге 10 мың жаңа тұрақты жұмыс орнын ұсынады. Денсаулық сақтау, мәдениет, спорт, туризм саласындағы 60 жаңа объект 20 мың тұрақты жұмыс орнын құруға мүмкіндік береді. 153 су шаруашылығы құрылысын салу және жаңғырту суармалы және жайылымды жерлердің көлемін едәуір арттырады және ауыл шаруашылығында 77 мың тұрақты жұмыс орнын қамтамасыз етеді», – деді ол.

Инженерлік желілерді және 8 мың шақырымнан астам қалалық және ауылдық жолдарды жөндеу, 900 елді мекенді абаттандыру әкімдердің халықпен кездесулерінде тұрғындар көтерген мәселелерді шешуге және олардың өмір сүру сапасын жақсартуға мүмкіндік береді. 

Жол картасының қаражатын пайдаланып, коронавирустық індетпен күресу үшін 13 жаңа инфекциялық аурухана салынады. Өз кезегінде, оларда қосымша 5 мың тұрақты жұмыс орны құрылады. 

«Жалпы, Жұмыспен қамту жол картасының жобалары 100 мыңнан астам тұрақты жұмыс орнын құруға негіз болады», – деп қорытындылады Серік Шәпкенов.

Брифинг соңында вице-министр жыл басында облыстар мен республикалық маңызы бар қалалардың әкімдерімен қол қойылған меморандумдарға сәйкес, 2020 жылы 431,5 мың жұмыс орны ашылуы қажет екенін жеткізді («Еңбек» мемлекеттік бағдарламасы мен ЖҚЖК қоспағанда). 7 айда 300,2 мың жұмыс орны құрылды, оның ішінде 149 мыңы -  тұрақты, 135 мыңы  - ауылдық жерлерде.

Сонымен бірге, соңғы айларда Электрондық еңбек биржасы (бұдан әрі - ЭЕБ) арқылы жұмыс іздеудегі халықтың белсенділігі артты. Жыл басымен салыстырғанда жұмыс берушілер ұсынған бос жұмыс орындарының саны 8,5 есеге, жұмыс іздеп,  түйіндемелерін жариялаған адамдар қатары 8 есеге өскен.

ЭЕБ арқылы 7 айда 333 мың адам жұмысқа орналастырылды, олардың 57%-ы тұрақты жұмыс тапты.

 

Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.

Соңғы жаңалықтар

Тарихи жеңіске қол жеткізді

Теннис • Бүгін, 20:12

Нар тұлға

Руханият • Бүгін, 20:10

Екпе салдыру өзекті

Медицина • Бүгін, 20:07

Шетелдік басылымнан

Әлем • Бүгін, 20:02

Аруларымыз алты жүлде алды

Спорт • Бүгін, 19:55

Қазақстанға агробанк қажет пе?

Қазақстан • Бүгін, 19:51

Ұқсас жаңалықтар