Кеше Президент жанындағы Адам құқықтары жөніндегі комиссиясы сарапшылар кеңесінің жаңа Қылмыстық іс жүргізу кодексі жобасын талқылауға арналған кеңейтілген отырысы өтті. Оның жұмысына биліктің заң шығарушы, атқарушы және сот тармақтары органдарының, құқық қорғау органдарының өкілдері, құқықтанушы ғалымдар, адвокаттар, халықаралық және үкіметтік емес құқық қорғау ұйымдарының өкілдері қатысты.
Кеше Президент жанындағы Адам құқықтары жөніндегі комиссиясы сарапшылар кеңесінің жаңа Қылмыстық іс жүргізу кодексі жобасын талқылауға арналған кеңейтілген отырысы өтті. Оның жұмысына биліктің заң шығарушы, атқарушы және сот тармақтары органдарының, құқық қорғау органдарының өкілдері, құқықтанушы ғалымдар, адвокаттар, халықаралық және үкіметтік емес құқық қорғау ұйымдарының өкілдері қатысты.
Бірінші мәселесі бойынша Президент жанындағы Адам құқықтары жөніндегі комиссияның сарапшысы, Жоғарғы Соттың судьясы, заң ғылымдарының докторы Раиса Юрченко, Президент жанындағы Адам құқықтары жөніндегі комиссияның сарапшысы, адвокат Ирина Осокина, Президент жанындағы Адам құқықтары жөніндегі комиссияның сарапшылар кеңесінің төрағасы, заң ғылымдарының докторы, профессор Еркін Оңғарбаев сөз сөйледі.
Қылмыстық іс жүргізу кодексі жобасының жекелеген нормалары, олардың Конституция мен Қазақстанның адам құқықтары саласындағы халықаралық міндеттемелеріне сәйкестігі жан-жақты талқыланды.
Жаңа Қылмыстық іс жүргізу кодексінің жобасы 16 бөлімнен, 72 тараудан тұрады және 677 бапты қамтиды. Парламентке жаңа Қылмыстық іс жүргізу кодексінің жобасынан бөлек «Қазақстан Республикасының кейбір заңнамалық актілеріне қылмыстық іс жүргізу заңнамасын жетілдіру мәселелері бойынша өзгерістер мен толықтырулар енгізу туралы» Заңның жобасы да енгізілген, соған сәйкес 39 кодекске, заңдарға өзгерістер мен толықтырулар енгізіледі.
Бұл орайда баяндама жасағандар жаңа Қылмыстық іс жүргізу кодексінің қабылдануы процеске қатысушылардың құқықтары мен заңды мүдделерін қорғаудағы көптеген заңнамалық ақтаңдақтарды жоятынын атап өтті.
Жаңа Қылмыстық іс жүргізу кодексі жалпы сот процесін ашық етуге және сот ісін жүргізудің жариялылығы мен әділдік қағидатын нақты жүзеге асыруға, тараптардың тең құқықтығы мен бәсекелестігіне, қылмыстық істерді қараудың шынайылығын қамтамасыз етуге, құқық қорғау және сот органдарының беделін көтеруге септігін тигізері сөзсіз. Адам құқықтары жөніндегі комиссияның сарапшылар кеңесі әзірлеген ұсынымдар Парламенттің Сенаты мен Мәжілісіне жолданады.
«Егемен-ақпарат».
