Оқиға • 09 Қыркүйек, 2020

Жылыжайда кофе, авакадо, киви ағаштары өседі

19 рет көрсетілді

Облыс орталығындағы Балалар мен жасөспірімдер экология және туризм орталығындағы жасыл орманды аумаққа, түрлі гүлдер өскен, көкөніс толы бақты көріп, таңқалдық. Табиғатпен үндескен осы бір ғажап көрініс қоршаған ортаны аялауға шақырып тұрғандай.

Орталықта ботани­ка­лық бақ және жылыжай кешені жұмыс істейді. Бізді жылыжай иесі Ахметуәлі Рашидұлы қарсы алды. Күніне сабақтан тыс уақытта 150-ге жуық оқу­шы келеді екен. Қазір індеттің таралуына байланысты бота­никалық бақ­қа, жы­лы­жайға келу уақытша тоқ­тап тұр.Өсім­дікке өздері қам­қор­лық жасап, өсіріп, баптау ар­қылы балалар еңбектің де қа­дірін түсінеді, таза ауамен де ты­ныстайды.

– Балалар да жылыжайда өсетін әрбір өсімдікті жат­­­­­қа біледі. Өсімдікті ғана емес, олардың қайсысының жаңа жа­пырағы, өнімі өніп келе жатқанына дейін бізбен бірге бақылап жү­реді. Өсімдіктер кү­тіп, бап­­тау­ды, аялы ала­қан­ды, жы­лы мейірімді қа­жет етеді. Болашақ табиғат жанашыр­лары көбейе түссе екен дей­­міз, біздің ор­талық­тың басты мақ­­саты да – осы, – дейді жы­лы­жай иесі.

Ал жасыл желегі жай­қал­­ған жы­лыжайдың ішінде киви, авакадо, кофе дәнін бе­ретін ағаш­тар, басқа да өсім­діктер, үй, дала гүлдерінің не­бір түрле­рі жай­­қалады. Ерек­­ше дизайн­дық сән беріп лавр ағашы тұр. Көрер көзге тартымды, жа­пы­рақтары сүй­ріктей ұзын, жіңішке әсем драцена. Түрлі фи­кус­тар, қайырымды кливия, ін­жір, пальма, гранат же­мі­сі, лавр, лимон сияқты тропи­ка­лық өсімдіктер, биік болып бой­­­лаған алып кактустарды көресіз. Фикус талының отаны – Филиппин, Қытай, Аус­тра­лия,Үндістан. Егер далалық жер­­­ге ексеңіз, фикус 20 метрге же­­теді. Фикус өзіне көп көңіл бөл­генді қалайды.

Сіз мұнда өзіңізді жылыжайда емес, тылсымға толы нағыз джунглиде жүр­гендей сезінесіз. Ауасы да ерекше. Ахметуәлі Ра­шид­ұлының айтуынша, жылыжайда экзо­тикалық өсімдіктердің 200-ге жуық түрі өсіріледі.

Биолог мамандардың ба­қы­­лауымен орталыққа тұ­рақты келетін балалар сабақ­тан тыс уақытта осында тро­пикалық өсімдіктерді отырғызып, оны күтіп баптайды. Көктем кезінде қияр, қызанақ егуге қатысады.

Міне, біз кофе ағашын кө­ріп тұрмыз. Жыл бойы гүл­деп, дән береді. Бір ерек­ше­лігі – қасына көршілес қон­­ған гүлдерді, талдарды жақ­­­­тырмай, жалғыз өс­кенді қа­­лай­ды екен.

– Дәмін көріңдер, мынау піскен дәні, осыдан кофе жа­сайды. Өкінішке қарай, кофе жасау технологиясын білмейміз. Білсек, өндіріс ашуға болар еді, – дейді Ах­мет­уәлі Рашидұлы.

Кофе дәнінің дәмін көрдік.

– Бұл тропикалық өсімдік­терді қалай жеткізесіздер? – дедік.

– Біздің орталық ұжымы, қызметкерлері басқа елдерге бар­­­ғанда әкелеміз. Гер­ма­ния­ға, Ре­сейге көшіп кеткен дос-жа­ран­дар сыйлап, бізге жі­беріп жатады. Бір қызығы, экзотикалық өсім­діктердің бәрі де біздің же­­ріміз­дің топы­рағына, ауа-ра­йына үйренді, – деді жылыжай иесі.

– Кактусыңыз тым биіктеп барады екен!

– Жылыжайдың төбесін тесіп шыға ма деп өзім де қор­қып тұрмын, көрдіңіз бе, діңі қандай үлкен!

Біз көрген Балалар мен жасөспірімдер экология және ту­ризм орталығындағы бота­ни­калық бақ пен жылыжай не­гізінде қалалық мек­теп­тер, балабақша тәр­бие­ле­ну­шілері, арнаулы орта және жоғары оқу орындарының сту­­денттері арнайы экскур­сия­­ларға келеді.

 

ПАВЛОДАР

 

Соңғы жаңалықтар

Алыстан жеткен алғыс

Аймақтар • Кеше

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Таразда тұңғыш рет күрделі ота жасалды

Аймақтар • 18 Қыркүйек, 2020

Қазақстанда темекі қымбаттайды

Қоғам • 18 Қыркүйек, 2020

Кепілге алған көлігін қайтармаған

Аймақтар • 18 Қыркүйек, 2020

Ұқсас жаңалықтар