Білім • 11 Қыркүйек, 2020

Елорда мектептерінде отандық білім беру платформалары арқылы сабақ өткізіледі

669 рет
көрсетілді
1 мин
оқу үшін

Елорда мектептерінде қашықтан оқыту форматын жүзеге асыру үшін отандық білім беру платформалары пайдаланылады, деп хабарлайды Egemen.kz әкімдіктің баспасөз қызметіне сілтеме жасап.

Елорда мектептерінде отандық білім беру платформалары арқылы сабақ өткізіледі

"Біздің мектептерде отандық Bilimland платформасы қолданылады, біз оны OnlineMektep деп те атаймыз, Darynonline да қашықтан оқуға көмектесетін платформалардың бірі", дейді Нұр-Сұлтан қалалық білім басқармасының басшысы Шолпан Қадырова.

Басқарма басшысы Bilimland қызметі студенттерге, оқытушылар мен ата-аналарға тығыз қарым-қатынас жасауға мүмкіндік беретінін айтты. Бұл порталға сабақ кестесі мен тапсырмалар жүктеледі. Студенттер платформаға кіріп, қажетті тақырыпты таңдап, осында сабақтың рефераттарымен таныса алады. Платформа мазмұны 5700 сабақтан тұрады, мектеп пәндері бойынша 100 мыңнан астам жаттығулар бар.

DarynOnline білім алушылардың деректерін хакерлік шабуылдардан қорғайтын жоғары дәрежелі халықаралық сертификатқа ие. Қызмет 6500 сабақ пен 65 мың тест тапсырмаларын қамтиды.

"Бүгінгі таңда Bilimland платформасында 37 мыңға жуық, ал DarynOnline 28 мыңға жуық стримингтік сабақ өткізілді", деді Шолпан Қадырова.

Сондай-ақ оның айтуынша, барлық білім беру ұйымдары педагогтар мен оқушыларға арналған MicrosoftTeams тегін есеп жазбаларымен қамтамасыз етілген. Kundelik.kz те өз жұмысын атқаруда, онда педагогтар 40 мың үй тапсырмасын беріп үлгерген.

Бұл ретте Нұр-Сұлтан мектептерінің қашықтан оқыту үшін пайдаланылатын білім беру платформалары мұғалім сабақ жүргізетін нақты уақыт режимінде сабақтар өткізуге мүмкіндік береді. Сондай-ақ мұғалімдер оқушылардың білімін өз бетінше игеру үшін контент жасайды. Ол үшін білім беру онлайн-ресурстарында электронды оқулықтар, бейнематериалдар мен тренажерлер бар.