Медицина • 14 Қыркүйек, 2020

Медициналық ұйымдарға тіркеу басталды

17 рет көрсетілді

Денсаулық сақтау министрлігінің ресми өкілі Бағдат Қожах­метов Орталық коммуникациялар қызметінде баспасөз мәсли­хатын өткізіп, бірқатар сұраққа жауап берді.

Ең алдымен, ресми өкіл ко­ронавирус жұқтыру бойынша ста­тистикалық деректерді келтірді.

«11 қыркүйектегі мәлімет бойынша елімізде COVID-19-ға шалдыққандардың жалпы саны 106 661-ге жетті. Оның ішін­де жазылып шығу көрсеткіші 94,1 пайызды құрады немесе 100 409 адамға жетті. Соңғы бір тәу­лікте 161 адам індеттен айық­ты. Қайтыс болғандардың жалпы саны 1 656-ға жетті. Қазір­гі уа­қытта 4 596 адам ем қа­был­дауды жалғастыруда, оның ішін­де 34 бала бар. Соңғы бір тәу­лікте елімізде COVID-19-ды 77 адам жұқтырған. Соңғы бір тәу­­лікте Шымкент қаласында ко­ронавирус инфекциясының бірде-бір оқиғасы тіркелген жоқ. Яғни бұл қаладан коронавирус жұқтырған науқас табылмады. Маңғыстау және Ақтөбе облыстарында бір оқиғадан ғана тіркелді. Бұл осы өңірлердегі тұрғындардың қауіпсіздік шаралары мен санитарлық талаптарды сақтағанын, бір-біріне құрметпен қарағанын білдіреді. Және осы тұрғындар еліміздің өзге де аймақтарына үлгі болады деп үміттенеміз», деді ол.

Сонымен қатар Денсаулық сақтау министрлігінің ресми өкілі елімізде коронавирустың болуы ықтимал жаңа толқынына дайындық қызу жүріп жатқанын жеткізді.

«Қазақстандағы медицина­лық мекемелер бір мезетте 70 мың орын дайындауға қау­қарлы. Оның ішінде үш мыңға тарта жансақтау бөлімі болады. Қазіргі уақытта елімізде 19 066 инфек­циялық төсектік орын бар, оның қазіргі жүтемесі 15 пайызды құрап отыр. Инфекциялық және провизорлық орталықтарда өкпені жасанды тыныстандыруға арналған 3 379 аппарат бар, қосымша 2619 дана сатып алынуда. Қазіргі уақытта Қазақстан бойынша емдеуге ар­налған 21 566 орын оттегімен қамтылған және ай соңына дейін қосымша 9300 орынды қамтамасыз ету жоспарда бар. Сондай-ақ жыл соңына дейін жедел жәрдем қызметі Қазақстанда шыға­рылған 1 167 автокөлікпен жаб­дық­талады. Шалғайдағы ауыл­дар үшін 100 медициналық кешен сатып алынады», деді Б.Қожах­метов.

Айта кететін тағы бір жайт,15 қыркүйек пен 15 қара­ша ара­­лы­ғында халықты меди­ци­­на­­лық-санитарлық көмек бе­ре­­тін ұйым­дарға өз еркімен тіркеу өтеді.

«Қазақстанда 15 қыр­күйек­­­­­тен бастап халықты ме­ди­­ци­на­­лық-санитарлық көмек бе­­ретін ұйымдарға тіркеу бас­тал­ды. Ол екі айға созылады. Емханалардың денсаулық сақ­­тау жүйесіне енудің алтын қақпасы екенін білесіздер. Сондықтан алдағы екі айда аза­маттарымыз тұрғылықты же­рі бойынша емханаларды таңдай алады. Емхананы тұрғылықты жерге жақын маңнан таңдауға кеңес береміз. Неге десеңіз, емханаға тіркелген нау­қастарды медицина мамандары үнемі қадағалап, тіпті үйіне барып көмек көрсетуге ыңғайлы болады. Әсіресе, бұл тәжірибе қазіргідей пандемия жағдайында аса маңызды. Тіркеу науқанынан кейін азаматтар келесі жылдың 1 қаңтарынан бастап Тегін медициналық кө­мектің кепілдендірілген кө­лемі аясында қызмет алады және ол үшін Медициналық әлеуметтік сақтандыру қоры медициналық ұйымдарға ақы төлейді. Биыл да бұл азаматтар тіркелген емханаларында қор есебінен емделе алады», деді ол.

Соңғы жаңалықтар

Үш тілдің үздіктері анықталды

Аймақтар • Бүгін, 22:19

Халықаралық семинар-кеңес өтті

Қазақстан • Бүгін, 22:05

Қазақстанда доллар арзандады

Экономика • Бүгін, 11:21

Ұқсас жаңалықтар