Қаржы • 16 Қыркүйек, 2020

Жүктерді қадағалау жүргізіледі

5 рет көрсетілді

Мемлекеттік кірістер комитеті ЕАЭО елдерімен шекарада тасымалданатын жүктердің мониторингі бойынша жұмысты жалғастыруда. Мемлекеттік кірістер комитеті баспасөз қызметінің хабарлауынша, 2019 жылдан бастап көптеген бұзушылық факті анықталды. Мысалы, тауар-көлік жүк құжаттарында мәліметтерді дұрыс мәлімдемеу, Одақ елдерінен Қазақстан Республикасының жалған резиденттеріне тауарлар экспорты, жалған транзит, тауарлардың құнын төмендету және т.б.

Бұл фактілер бюджетке зиян кел­тіретін және отан­дық би­знес­ті тең емес бәсекелес­тік жағ­­дайларға қоятын тауар­лар­дың көлеңкелі айналымының болуын куәландырады.

Қырғыз Республикасымен өзара сауда шеңберінде көлең­келі айналымға қарсы күрес мақсатында биыл бірлескен іс-шаралар жоспары әзірлен­ді, оның шеңберінде авто­­көлік құралдарын онлайн ре­жім­де қадағалауға мүмкіндік беретін навигациялық пломбаларды пайдалана отырып, қанатқақты жобаны жүргізу көзделген.

Жоба аясында бі­­рін­­ші күні Қырғыз экс­­­порт­­таушы­­­лары­ның Қазақ­стан Рес­­пуб­­ли­­кас­ының жал­ған ре­зи­­денттерінің атына ха­лық тұ­тынатын тауар­лар­ды жөнелту фактісі анық­талды. Мәселен, 2020 жылғы 11 қыркүйекте Бішкек қала­сынан Алматыға бара жат­қан жүк автокөлік құралына навигациялық пломба ілін­ген тауарға ілеспе құ­жат­тарға сәйкес Орал қаласында тіркелген, қызмет түрі «меди­циналық қызмет көрсету» болып табылатын салық төлеу­ші тауарларды алушы болды. Бұл ретте Мемлекеттік шекарада жүкті көзбен шолып қарау кезінде әлемдік бренд өндірушілер түріндегі қырғыз өндірісінің киімі табылған. Тексеру іс-шаралары барысында серіктестіктің басшысы анықталды, ол мемле­кеттік кірістер органдарына Қыр­ғыз Республикасынан импортталатын тауарға ешқандай қатысы жоқ және тиісті шаралар қабыл­дау үшін сотқа және құқық қорғау органдарына өтініш беруге ниетті екендігі туралы ресми түсіндірме берді. Навигация­лық пломбаның көмегімен ав­токөлік құра­лы­ның Алматы қаласында ор­на­ласқан жері анықталды. Тасымалдаушыға тақырыптық салықтық тексеру жүргізуге ұйғарым беру әрекеті кезінде жүргізуші автокөлік құралын қалдырып, жасырынған. Осы уақытқа дейін оның орна­лас­қан жері анықталмады. Атал­ған факті бойынша материал­дар қаржы мониторингі коми­тетіне және бірлескен іс-ша­ралар жос­­парына сәйкес қыр­­ғыз тарапына тиісті шаралар қабылдау үшін жіберіледі.

 

Соңғы жаңалықтар

ШҚО-да тұрғындар эвакуацияланды

Аймақтар • 09 Сәуір, 2021

Тасқын қаупі әуеден зерттелді

Аймақтар • 09 Сәуір, 2021

Алматыда тау баурайы отқа оранды

Аймақтар • 09 Сәуір, 2021

Алматыда карантин күшейтіле ме?

Коронавирус • 09 Сәуір, 2021

Ұқсас жаңалықтар