Саясат • 16 Қыркүйек, 2020

Қоғамдық кеңес алдында есеп берді

7 рет көрсетілді

Индустрия және инфрақұрылымдық даму министрі Бейбіт Атамқұлов бейнеконференция форматында өткен Қоғамдық кеңес отырысында министрлік жетекшілік ететін бағыттар бо­йынша биылғы міндеттердің іске асырылу барысы туралы баяндады. Жиынға Қоғамдық кеңес мүшелері – Парламент Мәжілісінің депутаттары, қоғам қайраткерлері, кәсіподақ және үкіметтік емес ұйымдар, сондай-ақ бизнес өкілдері қатысты.

Мақсат – өңдеу секторын дамыту

Атап айтқанда, биыл министрлік 2025 жылға дейінгі кезеңге ар­нал­ған Индустрияландыру бағдар­ла­ма­сын іске асыруға кірісті. Не­гізгі мақсат – өңдеу өнеркәсібін да­мыту. Бағдарламаның жаңа бастамаларын іске асыру мақсатында бір­қатар заңнамалық бастамалар топ­тамасы әзірленді. Үкіметтің қаулысымен «ҚДБ-Лизинг» АҚ база­­сында Өнер­кәсіптік даму қоры құрылып, қар­жы­ландыру құрал­да­ры кеңей­тілді. Бүгінгі таңда «Өнер­кә­сіп­тік саясат туралы» заң­ тұжы­рым­дамасының жобасы әзірленді. Қазір­гі уақытта жұмыс тобының қарау­ында жатыр.

Мемлекет үшін күрделі кезеңде министрлік аз уақыт ішінде халықты қажетті медициналық бұйым­дармен және дәрі-дәрмекпен қам­тамасыз ету үшін жұмысты қайта бағдарлады. Нәтижесінде, бүгінгі таңда нарықтың күн сайынғы сұранысы тәулігіне 900 мың дана бетперде болса, фармацевтикалық кәсіпорындардың (14 компания) жүктемесі 75% шамасында. Эпи­де­миялық ахуал ушыққан жағдайда өндірісті тәулігіне 1,5 млн данаға дейін жеткізетін қуаттылық резерві қарастырылған.

Жер қойнауын пайдалану са­ласында 2017 жылы батыс аустра­лиялық үлгі негізінде «Жер қойнауы және жер қойнауын пайда­лану туралы» жаңа кодекс қабылданды. Бүгінгі таңда жер қой­науын пайдалану құқығын беру үшін жалпы ауданы 733 мың шар­шы шақырымды құрайтын 300 мыңнан астам блок қойылып, барлау жұмыстарына 780-нен астам лицензия берілді. Аталған бастама минералдық шикізат базасымен толықтыру үшін Қазақстан аумағын қамтуға мүмкіндік беріп, келісімшарттар саны 2019 жылғы 68-ден 575-ке дейін жетеді.

 

Жол инфрақұрылымы жаңарады

«Нұрлы жол» инфра­құ­ры­лымдық даму мемлекеттік бағ­дарламасы аясында алдағы 6 жылда 11 мың шақырым автожол салу және қайта жаңғырту (оның ішінде 3,8 мың шақырым ауыспалы жоба), сондай-ақ республикалық жолдардың 11 мың шақырымын күрделі және орташа жөндеу жос­парланып отыр. Оған қоса, жақсы және қанағаттанарлық жағдайдағы республикалық маңызы бар жол­дар үлесін 100%, І және ІІ техни­ка­лық санаттағы жолдарды 60%-ға дейін жеткізу, жол бойын­дағы сервис объектілерімен 100% қам­тамасыз ету міндеті тұр. Теміржол транзитін 49%-ға, 18 млн-нан 26,9 млн тоннаға дейін арттыру жоспар­ланып отыр. Контейнерлік транзитті 2025 жылға дейін 2 есеге ұлғайтып, 2025 жылы 1,6 млн контейнерге жеткізу көзделген. Жолаушылар тасымалы жылына 8,1 млн-нан 11 млн-ға артып, 35%-ға өседі. Жоспарланған жоба­лар­дың барлығын іске асыру 550 мың жұмыс орнын ашуға мүмкіндік береді. Нәтижесінде, көлік саласын­да еңбек өнімділігі 20%-ға, инвес­тициялар мөлшері 3 есеге ұлғаяды.

Мемлекет басшысы өз Жол­дау­ында іргелі инфрақұрылымдық жоба­лар, қызмет сапасын және тран­зиттік бағыттардың жылдамдығын арттыру есебінен Қазақстанның бәсекеге қабілеттілігін арттыруға ерекше назар аударды. Аталған бағытта министрлік 2020-2025 жылдарға арналған «Нұрлы жол» бағдарламасы аясында осал тұс­тарын жою үшін бірқатар іргелі инфрақұрылымдық жобаны іске асы­руды жоспарлап отыр. Атап айтқанда, 2021 жылдан бастап Достық – Ақтоғай – Мойынты (840 шақы­рым) учаскесін жаңғырту жөнін­дегі стратегиялық жобаны іске асыру учаскенің өткізу қабі­летін 2 есеге арттырып, жүк тасы­малдау мерзімін 1,5 есеге қыс­қар­тады. Учаскені жаңғырту кезінде 2 мыңнан астам жаңа жұмыс орны ашылып (пайдалану кезеңінде 120 жұмыс орны), Алматы, Қарағанды және Шығыс Қазақстан облыс­тары тұрғындарын жұмыспен қам­тамасыз етеді. Сондай-ақ мем­лекет-жекеменшік әріптестігі негі­зінде салынатын ұзындығы 73 шақырымдық Алматы стансасын айналып өтетін темір жол желі­сінің құрылысы жобасы бар. Жо­лаушылар тасымалы қызметін әрі қарай жақсарту үшін биыл 100 жаңа вагон сатып алу жоспарланып отыр. Министрлік сонымен қатар мүмкіндігі шектеулі жандар үшін темір жолмен жолаушылар тасымалдаудың қолжетімділігін қамтамасыз етуде мақсатты түрде жұмыс жүргізуде. Қазіргі уақытта 44 бағытта (әлеуметтік маңызды 58 бағыттың) 98 дана арнаулы вагон-купе жүреді және вагондардың ішінде еркін қозғалатын, түскенде және мінгенде қолданылатын мүгедектерге арналған арбалар бар. Сондай-ақ әлеуметтік маңызды бағыттар бойынша жүруге 50 па­йыздық жеңілдік қарастырылған.

 

Баспана мәселесін шешудің ауқымды спектрі

Тұрғындардың өмір сапасын арттыру мақсатында Қазақстанда «Нұрлы жер» бағдарламасы іске асырылып жатыр. Бүгінгі таңда бір тұрғынға шаққанда баспананы пайдалануға беру көрсеткіші 0,71 шаршы метрге жетті. Бұл – ТМД елдері ішінде ең жоғары көрсеткіш (Ресейде – 0,54, Беларусь – 0,43, Өз­бекстан – 0,42 шаршы метр) және дамыған елдердің деңгейіне жақындады. Биыл 15 млн шаршы метр (150 мың тұрғын үй) баспана салу және 39 мың отбасына мемлекеттік қолдау көрсету жос­парланып отыр.

Заңнамалық қызмет аясында көппәтерлі тұрғын үйлерді басқару органдарының, тұрғын үй-құрылыс кооперативтерінің қызметін рет­тей­тін тұрғын үй құрылысы заңна­масына өзгерістер және жалпы мү­лікті күрделі жөндеудің жаңа тетігі ен­гізілді.

Жалпыұлттық жоспардың 77 тармағын іске асыру үшін Тұрғын үй құрылысының бірегей операторын құру және «Бәйтерек» холдингінің еншілес ұйымдарын біріктіру (Қазақстандық ипоте­калық компания, Тұрғын үй құры­­лысын кепілдендіру қоры, «Бәй­терек девелопмент», «Даму» АҚ-нан құрылыс салушыларды субсидиялау инструментін беру) арқылы тұрғын үй бағдарламалары операторларын қысқарту бойынша заңнама қабылданды. Қазіргі уақытта Мемлекет басшысының тапсырмасын іске асыру үшін «Тұрғынүйқұрылысжинақбанкі»  АҚ базасында «Отбасы банкі» даму және қолдау толыққанды институтын құру арқылы тұрғын үй саясатын дамытудың әрі қарайғы шаралары пысықталуда. 2020 жылдың соңына дейін «Отбасы банкіне» жергілікті атқарушы органдарда кезекте тұрғындардың дерекқорын беріп, мемлекеттік базаларға толық қолжетімділікті қамтамасыз ету жоспарланған.

Мемлекет басшысының Жол­дауына сәйкес жергілікті атқарушы органдарда кезекте тұрғандардың баспана мәселесін тезірек шешу үшін жеке тұрғын үй қорынан жалдау ақысын субсидиялау (жалдау ақысының 80%-ына дейін) тетігін енгізу ұсынылды. Мұнда баспананы жалдау құнының бір бөлігін субсидиялау ұсынылады.

«Отбасы банкі» қолдау көр­се­тілетіндерді кезекте тұрғандардың ішінен келесі санаттар бойынша анықтайды: отбасының әрбір мүшесіне шаққанда 1 ең төменгі күнкөріс деңгейіне дейінгі кірісінің болуы; жалдау мерзімі 5 жылға дейін, мұқтаж екенін растаған жағдайда ол мерзім ұзартылады; жалға алынатын баспананың орташа ауданы 60 шаршы метр (40-тан 80 шаршы метрге дейін); әр өңір үшін шаршы метрді жалдау құны анықталады. 

Сондай-ақ жұмыс берушінің шығындарын субсидиялау тетігін енгізу жайы пысықталуда.

Бүгінгі таңда елімізде 6,5 мың­дай ауыл болса, оның 3,5 мың­дайының келешегі бар деп саналады. Министрліктің миссия­сы – ха­лықтың өмір сапасын арттыру үшін ұлттық экономика салаларын орнықты дамыту. Б.Атамқұлов Мем­лекет басшысы айқындаған бар­лық міндет пен тапсырма ведомствоның тұрақты бақы­лауында болып, уақытында орындалатынын атап өтті.

Соңғы жаңалықтар

Елімізде тағы 55 адам індеттен айықты

Коронавирус • Бүгін, 09:00

Алыстан жеткен алғыс

Аймақтар • Кеше

Тазалық бірдің емес, мыңның ісі

Аймақтар • 18 Қыркүйек, 2020

Қала күні онлайн форматта аталып өтеді

Аймақтар • 18 Қыркүйек, 2020

Байтұрсынов атындағы байқау өтті

Қоғам • 18 Қыркүйек, 2020

Облыс әкімі Сырдария ауданына болды

Аймақтар • 18 Қыркүйек, 2020

Үш тілдің үздіктері анықталды

Аймақтар • 18 Қыркүйек, 2020

Халықаралық семинар-кеңес өтті

Қазақстан • 18 Қыркүйек, 2020

Таразда тұңғыш рет күрделі ота жасалды

Аймақтар • 18 Қыркүйек, 2020

Қазақстанда темекі қымбаттайды

Қоғам • 18 Қыркүйек, 2020

Кепілге алған көлігін қайтармаған

Аймақтар • 18 Қыркүйек, 2020

Ұқсас жаңалықтар