Медицина • 16 Қыркүйек, 2020

Коронавирус жұқтырған дәрігерлер өтемақы алды

217 рет
көрсетілді
1 мин
оқу үшін

Бүгін сағат 09:00-дегі жағдай бойынша Мемлекеттік әлеуметтік сақтандыру қорынан COVID-19 инфекциясын жұқтырған және вирустық пневмониямен ауырған 1581 медицина қызметкеріне өтемақы төленді, деп хабарлайды Egemen.kz министрліктің баспасөз қызметіне сілтеме жасап.

Коронавирус жұқтырған дәрігерлер өтемақы алды

Сондай-ақ індеттен қайтыс болған 22 медицина қызметкерінің туыстарына 10 млн теңгеден төлем аударылды. Бұл туралы Еңбек және халықты әлеуметтік қорғау министрлігінің баспасөз қызметі хабарлайды.

Өңірлер арасында COVID-19 жұқтыру немесе вирустық пневмониямен ауыру салдарынан ең көп төлем алған – Алматы және Нұр-Сұлтан қалаларының, Ақмола және Қарағанды облыстарының медицина қызметкерлері.

Айта кетейік, коронавирус инфекциясын жұқтырған немесе вирустық пневмониямен ауырған медицина қызметкерлеріне – 2 млн теңге өтемақы, ал коронавирус инфекциясын жұқтырып немесе вирустық пневмониямен ауырып қайтыс болған дәрігерлердің отбасына 10 млн теңге көлемінде өтемақы төленеді.