Аймақтар • 24 Қыркүйек, 2020

Шымкенттегі көпқабатты үйлер күрделі жөндеуден өтті

160 рет
көрсетілді
1 мин
оқу үшін

Шымкенттегі 18 көпқабатты тұрғын үй күрделі жөндеуден өтті, деп хабарлайды Egemen.kz қала әкімінің баспасөз қызметіне сілтеме жасап. 

Шымкенттегі көпқабатты үйлер күрделі жөндеуден өтті
Тұрғын үй-коммуналдық дамудың 2020 – 2025 жылдарға арналған "Нұрлы жер" мемлекеттік бағдарламасы бойынша Шымкент қаласында 70 көп қабатты үйде күрделі жөндеу жұмыстары жүргізіледі. Бүгінгі таңда 18 үйде жөндеу жұмыстары аяқталды.
 
Ал 37 тұрғын үйде жұмыстар жалғасу үстінде. 1 үйде жұмыстар енді басталатын болса, қалған 14 үйдің тұрғындары жөндеу жұмыстарын өздері жасағандықтан бастартқан.
 
Аяқталған жұмыстардың сапасын тексеру мақсатында қала әкімі Мұрат Әйтенов Сайрам шағын ауданында орналасқан көпқабатты үйлерге барды.Ерімбетов көшесіндегі №34а, 30, 33, 9 тұрғын үйлердің шатырлары ауыстырылып, кіреберіске жөндеу жұмыстары жүргізілген.
 
Кейбірінің қасбеті жаңа кейіпке енсе, енді бірінің лифттері жөнделген. Одан өзге жертөле, кәріз жүйесі, электротехникалық және монтаж жұмыстары атқарылған. Модернизациялау жұмыстарына жауапты - "Тұрғын үй - Шымкент" ЖШС-і мердігер мекемесі.
 
Мұрат Әйтенов тұрғын үй төрайымдарымен кездесіп, атқарылған жұмыстарды көрді. Сондай-ақ, сала басшысына жұмысы аяқталмаған нысандарды мерзімінде сапалы аяқтауды жүктеді.