![Тұманның ар жағын «көретін» қондырғы](/media/2020/10/27/1542009822_5be5e394d712b-169161-1.jpg)
Зерттеушілер айналадағы заттарды тану үшін дрондарда қолданылатын жүйені негізге алады. Жүйеге арнайы лазер орналастырылып, қолданыстағы жабдыққа үш өлшемді жасырын нысандарды анықтауға мүмкіндік беретін ерекше алгоритм қосылған. Алгоритм бойынша жүйеде шағылысқан жарық бөлшектерін қолдана отырып, ғалымдар шағылысқан заттардың суреттерін қалпына келтіруге қол жеткізген.
Осы орайда қондырғының өміршеңдігін байқауға болады. Себебі зерттеушілер қалыңдығы 5 мм болатын фотон арқылы айналадағы заттарды бақылап, олардың түр-түсін анықтаған. Мәселен, лазердің сәулесі кедергіден өтіп, объектіге жетеді. Ал одан шағылысып шыққан бірнеше фотон қайтып оралады.
Қондырғы – автокөліктерге жол жүргенде, әсіресе, нөсерлі жаңбырда немесе тұманды ауа райында көмектесуге арналған. Мұның бәрін медициналық зерттеулер үшін де қолдануға болады.
Қазіргі уақытта технология әлі жетілмеген және күрделі жөндеуден өтуі тиіс. Осыған орай зерттеушілер олардың жаңа жүйесі автономды көліктерді қауіпсіз ете алады деп санайды. Аталған шешім кең көлемде пайда болмас бұрын, оны тағы бірнеше сынақ күтеді.
Бұдан бөлек, MIT Media Lab-тың зерттеушілер тобы да тұман арқылы нысандарды тануға қабілетті бейнелеу жүйесін ұсынды. Аталған қондырғы ұшқышсыз ұшатын автокөліктердің навигациялық жүйесіне орналастырылған. Тіпті адамдар оларды көре алмаса да, қашықтықты анықтай алады. Соған сәйкес зерттеушілер ToF (time-of-flight) камерасы мен математикалық статистика әдістерін қолданды. Шағылысқан жарық қайтып келетін уақытты белгілейді және сәулелер тұманды сейілтеді. Дегенмен, зерттеушілер тұманмен шағылысқан жарықтың жүру уақыты гамма таралуының статистикалық моделін ұстанатынын анықтады.
Сол себепті жоба жетекшілері жүйенің жұмысын бағалауда жарықтың мөлшерін сипаттайтын оптикалық қалыңдықты өлшеді. Бұл мән қашықтыққа тәуелді емес, сондықтан 1 метр қашықтықтан 30 метр қашықтыққа дейін оптикалық қалыңдықты көре алады.
MIT Media Lab-тың аспиранты, жоба жетекшісі Гай Сатат: «Қондырғы өте қарапайым негізде әзірленген. Егер сіз есептеулер мен техниканы көзбе-көз алып қарасаңыз, оның тиімді қондырғы екенін біле аласыз. Ол тұман мен оның тығыздығы туралы алдын ала мәліметтерді қажет етпейді. Керісінше, оны қалың тұманды кездерде тиімді пайдалануға мүмкіндік береді», дейді ол.