Қазіргі уақытта Мубадала инвестициялық компаниясының қатысуымен жүзеге асырылған «Қорғас-Шығыс қақпасы» АЭА аумағында заманауи қоймаларды салу жобасына «Қазақстан темір жолы» ҰК »АҚ кіруі қарастырылуда.
«Самұрық-Қазына» АҚ басшысы инвестициялық холдинг үлгісінің өзгеруі мен ауысуын ескере отырып, БАӘ егеменді қорын жаңартылатын энергия көздері жобалары, тау-кен, телекоммуникация секторларында және инфрақұрылымдық жобалар сияқты басқа бағыттар бойынша одан әрі бірлесіп инвестициялау үшін шақырды.
Сапар барысында стратегиялық құжаттарға қол қойылды.
«Самұрық-Қазына» мен Mubadala – Abu Dhabi Future Energy Company (Masdar) еншілес кәсіпорны Қазақстанда жаңартылатын энергия көздері секторын дамыту және зерделеу туралы меморандумға қол қойды.
«KMG Drilling&Services» және «Caspian Drilling Company» Каспий теңізінің Әзербайжан секторында қазақстандық өздігінен көтерілетін «Satti» бұрғылау қондырғысымен ұңғымаларды бұрғылау туралы келісімге қол қойды, онда әзірбайжандық SOCAR мен британдық British Petroleum бірлескен барлау жұмыстарын жүргізуде.
Сондай-ақ басқа әлеуетті инвесторлармен, оның ішінде Атырау облысындағы газ-химия кешені жобаларындағы ынтымақтастық бойынша келіссөздер жүргізілді. Құны 2,6 млрд АҚШ доллары болатын «Полипропилен» зауытының құрылысы осы жылы аяқталады.
2022 жылы өнімнің алғашқы партиясы шығарылады.
Құны 6,5 млрд АҚШ долларын құрайтын «Полиэтилен» жобасын іске асыру үшін құжаттама әзірленуде және стратегиялық инвестор іздестірілуде.
Бұл жобаларды «Самұрық-Қазына» АҚ қоры жүзеге асыруда, олар газ химиясын дамыту үшін стратегиялық маңызы бар және Теңіз кен орнының шикізатын терең өңдеуге бағытталған.
Жобаларды іске асыру алғаш рет ауқымды қайта өңдеу қуаттарын құруға және өнеркәсіптік және халық тұтынатын өндірістердің кең спектрі үшін базалық өнім шығаруды реттеуге мүмкіндік береді.
