Руханият • 04 Наурыз, 2021

Құсбегі

72 рет көрсетілді

Құсбегілік – халқымыздың сүйікті де төл өнері. Маң­ғыстау өңірінде де баба мұ­раны қастерлеп, кейінгі ұрпаққа үйрету бағытында еңбектеніп жүргендер жоқ емес. Солардың бірі – Жа­ңа­­өзен қаласына қарас­ты Қызылсай ауылының тұр­ғыны Жеңісхан Бақболат­ұлы.

Ол қазақ халқының ежелден келе жатқан көне дәстүрінің бірі – құсбегілікпен айналысады. Қазақтың асыл дәстүрін, мәде­ниетін дамытуда бұл өнердің ма­ңызы зор. Бүркітші Жеңісхан Бақболатұлының әкесі де аңшы­лықпен айналысып, қақпан құрып, тазы жүгірткен.

– Сонау бағзы заманнан келе жатқан құсбегілік өнерді дәріптеп жүргенімізге де біраз уақыт болды. Кең далада қандауыз қақпан құрып, бүркіт ұшырып, алған аңның терісін илеймін. Бала кезімде әкем қасқыр, түлкі секілді аңды аулап, терісін илеп, онысын бізге үйретіп отыратын. Қазақ халқының тектілігін, жігіттерінің серілігі мен жүректілігін танытатын бұл өнер аса білгірлік пен мықтылықты талап етеді. Жырт­қыш құспен тіл табысып, оны айтқаныңа көндіру үшін де тө­зімділік пен қайсарлық қажет. Жаратылысынан жабайы, жырт­қыш болып жаралған қыран құсты шошытып, үркітіп алмай байланысу да аса маңызға ие, – дейді құсбегі.

Ол алдағы уақытта құсбегілік өнерді жастарға жан-жақты үйре­туді мақсат етіп отыр және оған ауыл жастарының қызығушылығы да жоғары.

 

 

Соңғы жаңалықтар

Ақыл алыбы

Руханият • Кеше

Шығыстанудың биік шынары

Әйел әлемі • Кеше

Бейқамдық белең алып тұр

Коронавирус • Кеше

Үлкен қалада адасу

Руханият • Кеше

Ұқсас жаңалықтар