Коронавирус • 28 Маусым, 2021

Екпе алуға ынталандыру қажет

163 рет көрсетілді

– Біз адамдардың екпе алуға өздігінен келулерін күтпей-ақ, оларға жағдай жасауымыз керек, – деді өңірдегі эпидемиялық жағдай, вакциналау барысы туралы өткен отырыста облыс әкімі Әбілқайыр Сқақов. – Қазір вирус мутацияға ұшырап, ауыр асқынуларды тудыратын «Delta» штамы анықталуда. Сондықтан біз тұрғындарға вакцина егудің ынталандыру жүйесіне жүгінуіміз керек.

Мысалы, осындай ынталандыру шарасы «Қазақстан алюми­ний» АҚ-да қолға алынды. Өндірістік ком­­панияда екпе қабылдаған жұ­мыс­шы-қызметкерлерінің еңбек де­ма­лыстарына бір күн қосылған. Ал Баянауылдағы «Kristall» демалыс аймағы екпе алған металлургтер ұжы­мы үшін жаз бойы ашық.
Жалпы, өңірде вакцина алу барысы, ұжымдық иммунитетке жету көрсеткіші әлі төмен деңгейде. Сон­дықтан, облыс әкімдігі, денсау­лық сақтау басқармасы басқа да ұжым­дардың «Қазақстан алюминий» АҚ кә­сіпорны секілді екпе алу үшін ын­таландыру жүйесінің қажеттігіне назар аударуға шақырады.
Денсаулық сақтау басқармасы бас­шысының орынбасары Сәу­ле Арыстанованың айтуынша, ін­дет­ке қарсы ұжымдық иммуни­те­т­ті қа­лыптастыру үшін өңір тұр­ғын­дарының кем дегенде 60 па­йызына, яғни 450 мыңнан ас­там адамға вак­­цина егу қажет. Бү­гінде вак­циналардың бірінші компо­нен­тімен өңір тұрғындарының 22,5 пайызы, ал екінші компонентімен 14,6 пайызы егілген. Тіпті, өнді­ріс­тік еңбек ұжымдарында, кей­бір кәсіпорындарда әлі күнге дейін екпе алу баяу өтуде. Мысалы, Екі­­­бастұздағы «Богатырь көмір» ЖШС-да бар-жоғы 10 пайызы, ал «Ертіс орманы» резерватындағы 400 ор­маншының бірнешеуі ғана екпе алған.
Өңірдің бас санитар дәрігері Ба­тырбек Әлиев індеттің таралуы бойынша Павлодар облысының қазір «жасыл аймақта» екенін, індет жұқтырудың апталық көрсеткіші 7,6 пайызға төмендегенін жеткіз­ді. Эпидемиялық жағдай, вакци­налауды жүргізу барысы және ка­рантиндік шектеу шаралары туралы кезекті №14 қаулының жай-жапсары да түсіндірілді. Жаңа қау­лыға сәйкес, отбасылық мерейтой­лар, корпоративтік, ұжымдық салтанатты іс-шараларды өткізуге, сон­дай-ақ караоке, қорқор тарту, букмекерлік, ойын-сауық және түнгі клубтардың жұмысына тыйым салынады.
– Өткен тәулікте індетті 43 адам жұқ­­­тырған, олардың 8-інде ауру бе­л­гісі жоқ, – дейді Б.Әлиев. – Өт­кен апта ішінде 289 адам індет­ке шал­­дықса, оның алдындағы мау­сым­­ның басында 313 адам жұқ­тыр­ған. Қазір инфекциялық стацио­нар­­­лардағы науқастардың саны 12,2 пайызға төмендеген. Облыс бо­­­­­йын­ша аруханаларда індеттен 7 нау­­­­­қас емделуде. Вакцинаның 1-ко­м­-
­­­­по­нентін тұрғындардың 13,6 па­­йы­зы, 2-компонентін 8,9 пайы­зы қа­­был­­даған. Ал облыстық ден­саулық сақ­­­тау басқармасының мәлі­ме­тінше, өңір­­­де жыл басынан бері 120 науқас көз жұмса, індет жұқ­ты­рып қайтыс бол­­­ғандар арасында жас адамдар да бар.
– Өйткені бұл науқастар үйде емделген, дәрігерге қаралмаған, бірнеше күн өткен соң барып же­дел жәрдем шақырған. Көз жұм­ғандардың арасында 1969, 1977 жылы туған науқастар болды. Ауруханаға түскен кейбір жастарда орта жастағы адамдармен салыстырғанда індет жұқтырып алғаннан басқа аурулары да болмаған. Бұл індеттің та­ра­луының ауыр түрде өтіп жат­қанын білдіреді. Ең тиімдісі – екпе алу, – дейді басқарма басшысы Айдар Сейітқазинов.
Сондай-ақ екпе алып ауырған науқастар да болғаны анықталыпты. Қазір облыс орталығындағы емдеу орындарында стационарлық 478 науқас емделуде. Ауруханалар­дың 27,9 пайызы, жансақтау бөлімдері­нің 8,9 пайызы бос емес. Өкпе­ні жасанды желдету құрылғысына ­4 науқас қосылған. Соңғы мәліметтер бо­йынша, өңірде 35 бала емделуде, олар­дың 22-сі ауруханада, 7 жүкті әйел індеттің жеңіл түрімен ауырып түскен. Барлық ауруханада қажет­ті медициналық құрал-жабдық­тар дайын. Емханалар жанында 160 мо­бильді бригада жасақталған. Со­­­­нымен бірге, аурухана, емханалар 45 күндік дәрілік препараттар қо­рымен қамтамасыз етілген. ПТР-тест өткізетін 6 зертхана жұмыс іс­теуде, олар күніне өңірде 1500-дей зерттеу шараларын жасайды.
Санитарлық-эпидемиялық ба­қылау департаментінің мәлі­ме­тінше, облысқа ПТР теріс нәтижесі бар анықтамаларды ұсынбаған Ре­сей, Тәжікстан, Қырғызстан азаматтары шекарадан жіберілмеді. Соңғы тәулікте шекарадан 818 адам өткен, оның ішінде 538 жаяу және 280 жүк көлігі жүргізушісі, еліміздің 9 азаматы карантиндік стационарға орналас­тырылды.

Павлодар облысы

Соңғы жаңалықтар

11 тамызға арналған валюта бағамы

Экономика • Бүгін, 09:40

Екінші айналымға шықты

Теннис • Бүгін, 08:39

Исламиаданы сәтті бастады

Спорт • Бүгін, 08:37

Алуан ауруды анықтайтын аппарат

Медицина • Бүгін, 08:30

Ұқсас жаңалықтар