Аймақтар • 02 Тамыз, 2021

Шаппа шот пен «құйрықты» пышақ

60 рет көрсетілді

Қарағанды облысының Шет ауданындағы Талды тарихи-археологиялық паркінің аумағында жүргізілген зерттеу барысында қола дәуіріне жататын тұтқасы бар шаппа шот пен «құйрықты» пышақ табылды.

Е.Бөкетов атындағы Қара­ғанды университеті жанындағы «Са­рыарқа» археологиялық инс­титутының ғалымдары мұн­дай тұрмыстық заттардың Қа­зақ­стан аумағында тұңғыш рет табылып отырғанын айтады.

Көне заманның жәдігерлері ертеде жерленген ер адамның қабірінен шыққан. Мысалы, та­былған пышақ жапырақ тәрізді пішінде жасалған. Жүзінің екі жағы да қайралған. Ғалымдар бұл құралды «құйрықты» пы­шақтар класына жатқызып отыр. Жүзі доға іспеттес мұн­дай пы­шақтар тұрмыста қол­да­ныл­ған деген тұжырым жасай­ды мамандар.

Ғалымдарды елең еткізген жәдігердің бірі шаппа шот болды.

– Шот балта ағаш өңдеу үшін пайдаланылды. Оның кө­ме­гімен күймелер, қынаптар, ас үй ыдыстары жасалған, – дей­ді археолог Игорь Кукуш­кин.

Шаппа шоттың бір ерек­ше-

лігі – оның мүйізден жасалған сабы бар. Мұның өзі бұл құ­ралды бұрынғы адамдардың қандай жұмыста қалайша пайдаланғаны жайлы сыр шертіп береді.

Еске салсақ, биылдыққа Талды тарихи-археологиялық паркіндегі қазба жұмыстары аяқталды. Археолог ғалымдар аталған аумақтан тыңғылықты зерт­теу жүргізуге азық бо­латын көне заманның көп­те­ген жә­дігерлерін жинап ал­ғанын ай­та­ды.

 

Қарағанды облысы,

Шет ауданы

Соңғы жаңалықтар

Еңбек – бейнет емес, зейнет

Қоғам • Бүгін, 08:46

Қуатовтың қолтаңбасы

Қоғам • Бүгін, 08:36

Астық жинау қашан аяқталады?

Экономика • Бүгін, 08:33

Дендеген дерттің беті қайтар емес

Коронавирус • Бүгін, 08:30

Бас прокурорлар бас қосты

Саясат • Бүгін, 08:19

Қош бол, Америка!

Әдебиет • Кеше

Смартфонға сыйған сауда

Технология • Кеше

Қарымды қаламгер

Руханият • Кеше

Халықаралық кездесулер

Қазақстан • Кеше

Ұқсас жаңалықтар