БАҒА ЖЕТПЕС ИГІ ІСТІ БАСТАП БЕРДІ

Еліміздің тәуелсіздігі бүгінгі өміріміздегі барлық жетіс­тік­тердің қайнары іспетті. Ұл­ты­мыздың рухы құрсаудан бо­­санып, қайта түледі, эко­но­­микалық еркіндігіміздің ар­қа­сында дүниежүзілік қоғам­дас­тық­тарға мүше болып, әлемнің дамыған елдерімен тереземіз тең жағдайда қарым-қатынас, бай­ланыс жасай­тын мүмкіндікке ие болдық. Бүгінде мемлекетіміздің тәуел­сіз­дігімен Президенттік бас­қару егіз ұғым сияқты кө­рінеді. Өйткені Қа­зақстанның еркіндікке қолы жеткен күннен бастап бүгінге дейін елі­міздің дамуы мен көркеюінің бар­лығы да Тұңғыш Президентіміз Нұр­сұлтан Назарбаевтың есімімен бай­ланысты. Бас-аяғы жиырма жылдың ішінде елімізде еш­қандай қиындықтар, ешқандай кем­шіліктер жоқ десек, адамға да, Аллаға да сөзіміз рас бол­май­ды. Кеңес Одағы тара­ғаннан кейінгі бұрынғы шие болып байланған эконо­ми­калық бай­ла­ныс­тардың үзілуі, жо­спарлы эко­номиканың орнына на­рықтың келуі оңай жүре қалған үдеріс емес еді. Эко­но­ми­калық реформалардың бар­лығы да жеңіл болған жоқ. Ауыл ша­руашылығын қайта құру кезінде ауыл аса қи­налды. Әң­гіме оның қиындығында емес, сол сын­дардан еліміздің да­налық басшылықтың арқасында аман өтуінде болатын. Еліміздің соңғы жылдары эко­но­микалық дамуы әлем назарына ілікті. Америка Құрама Штаттары Қа­зақстанды ТМД елдері арасында на­рық жолына түсе алған бірінші мем­лекет деп таныды. Сонымен қа­тар Нұрсұлтан Назарбаевтың сырт­қы бейбіт саясат жүргізуімен Қа­зақстан халықаралық қаты­нас­тар­да да алға озды. Қазақстанның бү­гінде мұсылман әлемі мен ТМД ел­дерінің арасында бірінші болып ЕҚЫҰ-ға төрағалық етуі соның айғағы. Әлемде ешқашан діни бас­шылар бір жерде бас қоспаған. Ал Астанада Н.Назарбаевтың бас­та­масымен әлем­дік және дәстүрлі діндер бас­шы­ларының үш съезі өтті. Онда қай мемлекетте де бей­бітшіліктің, тұрақтылықтың негізі адамдардың діни сеніміне төзім­ділік­пен, құр­метпен қарау екенін аты әлемге мәшһүр діни қай­рат­керлердің, дуалы ауыздардың қай­сы­сы болса да айтып өтті. Бұл орай­да біздің Президентіміз сырт­қы саясатта да көшбасшы екенін көрсетті. Қазақстанға іссапармен келген Біріккен Ұлттар Ұйымының Бас хатшысы Пан Ги Мун Семей өңі­рін­дегі бұрынғы сынақ айм­ағында болғанда ядролық қару-жарақтың қаншалықты қасірет екеніне, Жер шары үшін бейбіт күннің бағасына ештеңе жетпейтініне көзі жете түскендей болды. Осы сапарында “Ядролық қаруға ие мем­ле­кет­тер­ді Қазақстанның жолымен жүруге шақырамын” деді. Халықаралық беделді ұйым басшысының бұл сөзі Нұрсұлтан Әбішұлының атом аждаһасы – Семей сынақ поли­гонын жа­буына, әлемде жаңа тұр­патты мемлекеттің пайда болуына берген биік бағасы болатын. Жақында Америка Құрама Штат­тарында өткен ядролық қауіп­сіздік мәселесіне арналған жаһан­дық саммитте Қазақ­стан­ның әлем­дегі төртінші ядролық арсеналдан өз еркімен бас тартып, Семей сынақ полигонын жабуын, Президент Нұрсұлтан Назарбаевтың осы жол­дағы еңбегін жоғары бағалады. Бейбітшілік сыртқы саясат ұс­танып отырған біздің ел ядролық қа­русыз да адамдардың бейбіт өмір сүре алатынын, қо­ғам­ның алға да­ми­тынын, өр­ке­ниеттен қа­лыс­пай­тынын көр­сетті. Ол көшбасшы саясат­кер­дің көреген қадамдары, істері арқасында жүзеге асты. Бала кезімізде “Бом­баның орнын те­гіс­те­ген, күректер музейге қо­йыл­сын!” деп ән шырқар едік. Қазір ядролық қару тек адам­зат­ты қырып ғана қой­майды, әлем­нің экологиясына да кері әсер етеді. Жұмыр жерге ты­ныштық бе­руіміз керек. Ал біздің Пре­зидентіміз жер жүзіндегі бейбіт өмір, адамзат амандығы үшін игі бастаманы бастап берді. Әдетте, басталған іс жалғасын табады. Есенгелді АШМАХАН, “Балықты” мешітінің имамы. Қостанай облысы, Ұзынкөл ауданы.