Елорда • 07 Қыркүйек, 2021

Елордада 1100-ден аса жоба субсидияланды

Нұр-Сұлтан қаласының әкімі Алтай Көлгінов Instagram парақшасында коронавирус пандемиясы кезінде шағын және орта бизнеске қандай көмек көрсетілгенін айтты, деп жазады Egemen.kz.

Әсел САРҚЫТ

«Коронавирус пандемиясы шағын және орта бизнестің жұмысына әсер етті. Мемлекет ШОБ-қа жедел және ауқымды қолдау көрсетті. Бұл үшін бірқатар бағдарлама бар: «Бизнестің жол картасы 2025», «Қарапайым заттар экономикасы», «Жұмыспен қамтудың жол картасы», «Жергілікті қамту үлесі», «Еңбек», жеңілдікті қаржыландыру бойынша және т.б.

Мемлекет басшысы халыққа Жолдауында ШОБ-ты қолдау бағдарламаларының тиімділігін, «Қарапайым заттар экономикасы» және «Бизнестің жол картасы» бағдарламаларының 2022 жылға да ұзартылғанын атап өтті.

Мысалы, «Бизнестің жол картасы-2025» бойынша өткен жылдан бастап пайыздық мөлшерлеме 6%-ға дейін төмендетілді, сома 7 млрд теңгеге дейін ұлғайды, салалық шектеулер алынып тасталды, шағын бизнеске микрокредит беру бойынша жаңа бағыт енгізілді. Биыл өңдеу өнеркәсібі, медицина, білім беру, құрылыс, көлік және т.б. салаларда 1 мың 100-ден аса жоба субсидияланды.

«Қарапайым заттар экономикасы» бағдарламасын жүзеге асыру үшін кәсіпкерлер палатасы жанында аймақтық жобалық кеңсе жұмыс істейді. Іске асыру сәтінен бастап 55 млрд теңге сомасына 40 жоба қолдау тапты. Осы жылы, мысалы, құрылыс материалдары, медициналық маскалар өндірісі, мектептер, медициналық орталықтар құрылысы және т.б. бағытқа қолдау көрсетілді.

«Жұмыспен қамтудың жол картасы» бағдарламасы бойынша жүздеген тұрақты жұмыс орнын құруға мүмкіндік беретін тағы 14 жоба қолдау тапты. Жоғарыда көрсетілген бағдарламалар ШОБ өкілдеріне айтарлықтай қолдау көрсетуге, жобалардың қуатын және отандық өндіріс өнімдерін шығару үлесін ұлғайтуға, жұмыс орындарын құруға және т.б. мүмкіндік береді», деп жазды елорда әкімі.

Күннің маңызды және өзекті жаңалықтарын «Егемен Қазақстан» телеграм каналынан оқыңыз