Аймақтар • 15 Қыркүйек, 2021

Есіркеевті еске түсірген көрме

20 рет көрсетілді

Қарағандылық қылқалам шебері, Қазақ КСР-нің еңбек сіңірген өнер қайраткері Райымқұл Есіркеевтің 100 жылдығына арналған көрме кеншілер қаласындағы облыстық бейнелеу өнері мұражайында ұйымдастырылды.

Өзінің шығармашылығына еңбек адамына деген ізет пен құрметті арқау еткен суретшінің 50-ге жуық туындысы келушілер назарына ұсынылды. Оның ішінде 20 картинаны шебердің ұлы Мейрам әкесінің шеберханасынан әкелген екен.

Өлкетанушы Тұңғышбай Мұқан бұл көр­менің қылқалам шеберінің шығар­машылығын лайықты түрде бағалауға жа­салған қадам екенін айтады.

– Суретшінің таланты өлген жоқ, ол әкесінен ұлдары мен немерелеріне беріліп, олардың шығармаларында өмір сүріп жатыр. Есіркеевтер отбасы – шығармашылық әулет, – дейді ол.

Суретшінің немересі Әмен Есіркеев іс-шара барысында атасы туралы қызғылықты естеліктер айтты.

– Атам негізінен портрет жанрында және реализм стилінде сурет салған. Әдет­те, ол натураға қарап отырып, бейнені қағаз бетіне түсіреді екен. Ол үшін кейіп­керлеріне ұқсас адамдарды іздеген. Мы­салы, Әлия Молдағұлованың портретін сал­ғанда, оған ұқсас қызды тауып, ағаштан қару жасаған, ал әжеме кейіпкеріне арнап киім тіккізген. Осылайша батыр қыздың образы жасалған, – деп сыр ақтарады ол.

Ал суретшінің ұлы Мейрам Есіркеевтің шеберханасында әкесінің 50-ге тарта туын­дысы сақталыпты. Олардың ішінде аяқ­талмаған картиналар мен эскиздер де бар екен. Еске салсақ, Райымқұл Есіркеев – пей­заж және портрет жанрында еңбек ет­кен суретші-кескіндемеші, Қазақстан Сурет­шілер одағының Қарағанды облыстық бөлімшесін құрушылардың бірі.

 

ҚАРАҒАНДЫ

 

Соңғы жаңалықтар

Қарағандыда зауыт өртенді

Оқиға • Бүгін, 09:50

7 өңір «сары» аймақта

Коронавирус • Бүгін, 09:06

Көбелектер көрмесі

Аймақтар • Бүгін, 08:54

Көкшедегі өнер сайысы

Аймақтар • Бүгін, 08:51

"Хат қоржын"

Қоғам • Бүгін, 08:47

Смайликпен сөйлесейікші

Қоғам • Бүгін, 08:42

Қоңыр әуен

Өнер • Бүгін, 08:40

Талантымен тәнті етті...

Өнер • Бүгін, 08:37

Балқаштан бастау алды

Аймақтар • Бүгін, 08:35

Көтермеақы көлемі өсті

Аймақтар • Бүгін, 08:32

Жаңа автокөлік сатылымы азайды

Экономика • Бүгін, 08:19

Ел дамуының іргелі үрдістері

Президент • Бүгін, 08:11

Жаһандық науқанға маңызды үлес

Экология • Бүгін, 08:04

Дағдарыс пен дәрменсіздік

Экономика • Кеше

Сиқырлы саз

Өнер • Кеше

Ұқсас жаңалықтар