Халықаралық кездесулер

Қазақстан Премьер-Минис­трі­нің орынбасары – Сыртқы істер министрі Мұхтар Тілеуберді, АҚШ Мемлекеттік хатшысы Эн­то­ни Блинкен, Қырғызстанның Сыртқы істер министрі Руслан Казакбаев, Тәжікстанның Сырт­қы істер министрі Сиро­джи­ддин Мухриддин, Түрік­менс­танның Сыртқы істер ми­нис­трі Рашид Мередов және Өзбек­станның Сыртқы істер минис­трі Абдулазиз Камиловтің қа­ты­суымен «С5+1» министрлік кездесуі өтті.

Сыртқы саяси ведомст­во­ла­рдың басшылары «С5+1» өңірлік дипломатиялық платфор­м­­асының Ауғанстандағы дағ­да­рысты жағдайды шешуде, аймақ­тағы елдердің COVID-19-ға қарсы күш-жігерін бірік­ті­руде, экономикалық өзара ын­ты­мақтастық саласындағы мүм­кін­діктерді іске асыруда және к­лиматтық дағдарысқа қар­сы күресте маңызды рөл ат­қа­­­ратынын атап өтті. Кезде­су­де Ауғанстаннан кеткісі ке­ле­тін шетелдік азаматтар мен ауғандықтардың қауіпсіз­ді­гін қамтамасыз ету мен елдің инк­лю­зивті үкіметін қалып­тас­ты­ру мәселесі көтерілді.

Қазақстан СІМ басшысы «С5+1» өңірлік қауіпсіздікті талқылауда, Орталық Азия мем­ле­кеттерінің арасында және АҚШ-пен өзара тиімді байланыс­ты арттыруда  тиімді платформа ретінде танылғанын атап өтті. 

Сондай-ақ кездесуге қатысу­шы­лар Қазақстанның «С5+1» елдерінің табиғатты қорғау ведомстволары басшыларының кездесуін шақыру жөніндегі бас­тамасының дер кезінде ұйым­дас­тырылғанын, олардың прак­тикалық қорытындылары эко­номикалық өсуге ықпал ете­тінін алға тартып, өңірлік энер­гетикалық байланыстар мен энер­гия тиімділігінің берер мүм­кін­діктері жайында сөз қозғады.

«С5+1» кездесуі Орталық Азиядағы жаңа сын-қатерлер мен қауіптерді, экологиялық проб­лемаларды шешу жөніндегі бір­лескен шараларды, сондай-ақ өңір деңгейіндегі әрекетті талап ететін сауда-инвестициялық байланыстарды кеңейту жолдарын талқылауға мүмкіндік берді.

Сонымен қатар Мұхтар Тілеуберді АҚШ Мемлекеттік хат­шы­сының Оңтүстік және Орталық Азия істері жөніндегі көмекшісі Дональд Лу және АҚШ Ұлттық қауіпсіздік кеңесінің Ресей және Орталық Азия бойынша кеңсесінің аға директоры Эрик Гринмен кездесті.

Келіссөздер барысында екі­жақ­ты, өңірлік және халық­ара­лық өзекті мәселелер, соның ішінде аса жоғары деңгейдегі бай­ланыстар, Ауғанстандағы қа­зіргі жағдай мен ауғанаралық диалогті ілгерілету секілді мә­се­лелер талқыланды.

«Қазақстан мен АҚШ арасында дипломатиялық қаты­нас­тардың орнағанына 30 жыл толуының қарсаңында Қазақстан алдағы уақытта да екіжақты және көп­жақты форматтағы өзара тиім­ді ынтымақтастықты ке­ңей­ту бо­­йынша америкалық тараппен бірлесе жұмыс істейтінін атап өткім келеді», деді Мұхтар Тілеуберді.

Ақ үй өкілдері USAID пен KazAID арасындағы, оның ішінде Ауғанстанға гума­ни­тар­лық көмек көрсету аясын­дағы өзара іс-қимылдың маңыз­ды­лығын атап өтті. Қазақстанның COVID-19-бен күрестегі және коронавирусқа қарсы өз вакцинасын жасаудағы жетістіктеріне жоғары баға берілді.

Одан бөлек,  Мұхтар Тілеуберді Молдова Сыртқы істер министрі Николай Попескумен, Шри-Ланка Сыртқы істер министрі Гамини Лакшман Пейриспен, БАӘ Индустрия және жаңа тех­но­логиялар министрі және Кли­мат жөніндегі арнайы өкілі Сұлтан Ахмед әл-Жабермен, Румынияның Сыртқы істер ми­нис­трі Богдан Аурескумен және Бахрейн Сыртқы істер министрі Абдуллатиф әл-Заянимен екі­жақ­ты келіссөздер өткізді.