Аймақтар • 30 Қыркүйек, 2021

Ауыл шаруашылығына мән беріле бастады

51 рет көрсетілді

Биыл Маңғыстауда орын алған қуаңшылық өңірде ауыл шаруашылығы, соның ішінде мал шаруашылығы саласына жете назар аударуды күн тәртібіне шығарды. Бұл бағытта Маңғыстау облысының әкімдігі малға қажетті құдық қазуға қосымша субсидия бөлу мүмкіндігін қарастыруда.

25 қыркүйекте өңір басшы­сы Нұрлан Ноғаевтың төр­аға­лығымен облыстағы ауыл шаруа­шылығы саласындағы өзек­ті мәселелер талқыланған жиын өтті.

Жиынға ауыл шаруашылығы саласының мамандары, арда­герлері, шаруа қожалықтарының иелері мен жергілікті атқарушы органдардың өкілдері қатысып, мал иелері мен мемлекеттік орган өкілдері сұхбат құрып, пікір алмасты.

Кездесуде жемшөп дайын­дау, мал жайылымына жер беру, құдық қазу сынды бірқа­тар мәселе қаралды. Ай­мақ бас­шысы белсенділік та­ныт­қан азаматтарға алғысын айтып, жауапты тұлғаларға ауыл шаруашылығы саласын жақ­сартуға арналған әр азамат­тың ұсынысын зерделеуді тапсырды.

Жиында сондай-ақ қазіргі таңда Маңғыстау облысының әкімдігі мал суаруға қажетті құ­дық қазуға арналған субси­дия­ның көлемін ұлғайту мүмкін­діктерін қарастырып жатқаны айтылды.

– Төрт түлік үшін судың аса маңызды тіршілік көзі еке­­нін барлығымыз біле­міз. Мем­лекет басшысы Маң­ғыс­тау облысына келген сапарында Үкіметке құдық қа­зуға берілетін субсидия кө­ле­мін 50-ден 80 пайызға дейін арттыруды тап­сыр­­ды. Бұ­дан бөлек, қазір біз құдық қа­зуға жұмсалатын шы­ғын­дар­ды тағы 10% жергі­лікті бюд­жеттен субсидиялау­ды қарас­тырып жатырмыз. Нә­ти­­же­сінде, субсидияны 90%-ға дейін ұлғайтқымыз келеді. Мә­­се­ле мұқият зерделеніп, оң ше­­шімін тапса, облыстық мәс­ли­­хатқа ұсынатын боламыз,  – деді өңір басшысы.

Нұрлан Ноғаев сондай-ақ жиналғандарды ауыл шаруа­шы­лығын дамыту мен мал ба­ғуда тиімді тәсілдерді қолда­нуға шақырды.

– Биылғы қуаңшылық облыс­тағы барлық мал иесінің басына түскен ортақ қиыншылық, ортақ сынақ болды. Біз бұл ты­ғырықтан бірлескен жүйелі жұ­мыстың арқасында ғана шыға ала­мыз. Сала ардагерлерінің тәжі­рибелері мен кеңестері өте ма­ңызды, оны міндетті түр­де пай­даланамыз. Сондай-ақ мал ша­руашылығымен ай­налыс­қысы келетін әр шаруа өз мүм­кіндігін ескергені дұрыс. Табиғи және климаттық жағ­дай­лар бар, жемшөп базасы болу керек, малды бағу қажет де­гендей. Мемлекеттік органдар заң шеңберінде барынша көмектеседі, бірақ әрбір аза­маттың малы үшін жауап бер­мейді. Ауыл шаруашылығын нә­ти­желі жүргізу үшін жүйелі жұ­мыс істеу керек, – деді облыс әкімі.

Сондай-ақ Маңғыстау облысында мал азығы қорын қа­лып­тастыруға қосымша қара­жат бөлінбек. Нақтырақ айт­сақ, қосымша 3,2 млрд теңге бө­лінеді. Бұл қаражатқа 26 200 тонна жем мен 4000 тонна шөп сатып алу жоспарлануда.

Сонымен қатар әлеуметтік маңызы бар азық-түлік тауар­ларының қорын толықтыру, тұтынуға берілген ауыз су құнын субсидиялау, Ақтау қалаішілік маршрутының 6 бағыты бойынша автопарктың жаңартылуын субсидиялау және т.б. бірқатар әлеуметтік маңыздағы мәселе­ні қаржыландыру жолға қойы­лмақ.

Аймақ басшысы Нұрлан Ноғаев облыстың әлеуметтік-эконо­микалық дамуы барлық мемле­кеттік органдардың үйле­сім­ді жұмыс істеу нәтижесінде іске асатынын айтты.

Маңғыстау облысы

 

Соңғы жаңалықтар

Достық бесігі

Аймақтар • Бүгін, 08:43

Ел кубогы үшін таласады

Футбол • Бүгін, 08:40

Ширек финалда ұтылды

Теннис • Бүгін, 08:39

Даярлықтарын пысықтады

Хоккей • Бүгін, 08:37

Әзірге бесінші орындамыз

Спорт • Бүгін, 08:30

Он жылға сотталды

Қоғам • Бүгін, 08:25

41 жобаға – 11,2 млрд теңге

Аймақтар • Бүгін, 08:20

732,5 млрд теңге тартылады

Аймақтар • Бүгін, 08:15

Әскерилер шеберлік сынасады

Қазақстан • Бүгін, 08:10

«Айқайдың» астары

Өнер • Кеше

Байрон ұйығы

Әдебиет • Кеше

Ұқсас жаңалықтар