«Осыдан 18 жыл бұрын қазақ халқының көшбасшысы, ықпалды әлемдік саясаткер, Түркі әлемі мен Орталық Азияның көрнекті мемлекет қайраткері, Қазақстан Республикасының Тұңғыш Президенті - Елбасы Нұрсұлтан Әбішұлы Назарбаевтың діндер мен өркениеттер арасындағы диалог қағидаттары мен практикасын ілгерілету жөніндегі бастамасы өзінің маңызын сақтап келе жатқанын, ал бұл идеяның дәйектілігі мен өнімділігі уақытпен дәлелденгенін ерекше атап өткен жөн», деді Пашазаде отырыста.
Оның айтуынша, бүгінде Елбасының дана көзқарасы мен күш-жігерінің арқасында әлемде дінаралық ынтымақтың жаңа платформасы құрылған.
«Жоғары мәртебелі Қазақстан Республикасының Президенті Қасым-Жомарт Тоқаевтың қазақ мемлекеттілігінің ілгерілеуі мен өркендеуін, дінаралық диалог пен ынтымақ саласындағы, атап айтқанда, әлемдік және дәстүрлі діндер көшбасшыларының съездері шеңберіндегі құнды идеяларды ілгерілету жөніндегі сабақтастықты қамтамасыз ететін саяси жолды табысты жалғастыру жөніндегі күш-жігерін ерекше атап өткен жөн», деді Шейх-ул-Ислам.
Сондай-ақ ол әлемде ксенофобия, исламофобия, христианофобия және антисемитизм сияқты идеологиялық және практикалық қауіптердің өсіп тұрғанын атады.
«Бұл халықаралық тұрақтылық пен қауіпсіздікке үлкен кедергі келтіреді. Бүгінгі таңда агрессияны, зорлық-зомбылықты және кемсіту тудыратын өшпенділікке шақыру нақты саяси және әлеуметтік қауіпке айналды. Мұндай үндеулердің идеологияның кесірінен түрлі аймақтардағы тұрақтылық бұзылып, адамдар арасындағы қақтығыстарға, әскери қылмыстарға, геноцидке әкеліп отыр», деген Пашазаде әрбір саяси және діни көшбасшының сөз бостандығы мен демократия сылтауымен жеккөрушілік пен қарама-қайшылықты тудыратын осындай әрекеттерді тоқтату міндетті екенін еске салды.
«Біз VII съезде және оның қорытынды құжаттарында кезекті рет ынтымақтаса отырып, ксенофобияның барлық нысандарын, ғибадат орындарындағы діндарларға қарсы экстремизмнің кез келген актілерін айыптай отырып, діни нышандар мен қасиетті орындарды қорлауға қарсы наразылық үнін көтереміз деп сенемін», деп қорытындылады діни қайраткер.
