Білім • 19 Қазан, 2021

Ашық сабақ Елбасының бейбіт бастамаларына арналды

45 рет көрсетілді

Талдықорған қаласындағы Назарбаев зияткерлік мектебінде «Жасампаз­дық пен даму жылдары» тақырыбында ашық сабақ өтті. Ашық сабақ Қазақстан Республикасы Тәуелсіздігінің 30 жылдығын атап өту мақсатында ұйым­дас­тырылды.

Сабақ барысында зияткерлік мектеп оқушылары Елбасының әлем­дік арена­дағы бейбіт бастамаларын талқы­лады. Оның ішінде Еуразия­лық эконо­микалық одақты құрудағы Нұрсұлтан Назарбаевтың тарихи рөлі­не қатысты мәліметтерге қанықты. Яғни оқушылар сабақта Еуразиялық эко­номикалық одақ құрудың саяси, эко­но­микалық, технологиялық маңыз­дылығын, сонымен қатар оның әлеу­меттік сипатын да талдай отырып, зерделеді. Атап айтқанда, жас зият­керлер ЕАЭО құру мақсаты, одақ ішіндегі жетістіктер және қатысушылар санының өсу себептері туралы көбірек білді.

– «Тәуелсіздік» сабағынан біз көп­­теген қажетті ақпарат алдық. Қа­зақ­станның эко­номикалық да­­муы­ның болашағы туралы сұ­рақ­тарды талқыладық және әлем­дік эко­номи­кадағы ұлттық экономи­калардың бә­секеге қабілеттілігін арттыру үшін не ұсына алатынымызды айттық. Соны­мен қатар қосымша энергия алудың жолдары, білім саласының дамуы, қолжетімді медицина, ресурс­тарды оң­тайлы пайдалану мәселелерін қоз­ғадық, – дейді 12-сынып оқушысы Әмір Қуатұлы.

Ашық сабақта Тәуелсіздіктің төл құр­дасы, Талдықорған қаласындағы Назар­баев зияткерлік мектебі физика пәні­­нің мұғалімі Қайсар Нұрбек оқушы­лар­ға мемлекет пен жеке адам дамуын­дағы табысқа жету формуласы туралы әңгімелеп берді.

– Табысқа жету үшін адам өзін үнемі дамытып отыруы керек деп ойлаймын. Өйткені прогресс бір орында тұ­рмайды. Бұған кейінгі отыз жыл ішіндегі мемлекеттің дамуы мен өсіп-өнген тұтас буынның өмір тарихы дәлел бола алады. Жалпы, қазір адамға жаңа нәрселерді үйрену қажет, оның ішінде мейлінше көп тіл меңгеру заман талабына айналды. Сонан кейін жүрек қалауына сай таңдаған жұмысыңызға күш-жігеріңізді аямай жұмсау ғана нәтиже береді, – деді Қ.Нұрбек.

Соңғы жаңалықтар

Паганини

Өнер • Кеше

Тарихымызды тану – ұлы іс

Қазақстан • Кеше

Отыз жылдыққа ой қорытқан

Қазақстан • Кеше

Ұқсас жаңалықтар