Қазақстан • 10 Қараша, 2021

Жиырма бес жылда 25 мың бала экоұрықтандыру арқылы туған

100 рет көрсетілді

Қазақстан репродуктивті медицина қауымдастығының президенті, ҚР бас репродуктологы Вячеслав Локшин экстракорпоральды ұрықтандыру технологиясының дамуы донор қызметіне сұранысты едәуір азайтқанын айтты, деп хабарлайды Egemen.kz.

«Биыл «эко» арқылы дүниеге келген алғашқы қазақстандық бала 25-ке келді. Осынау 25 жылдық қысқа уақыттың ішінде елімізде 85 мың ерлі-зайыпты емдеуден өткен. Қазан айында «эко» арқылы 25 мыңыншы бала өмірге келді. Бұл - өте маңызды оқиға деуге болады. Осы қысқа уақытта елімізде заманауи технологиялардың бәрі енгізілгенін атап кету керек. Оның арасында имплантация алдындағы генетикалық скрининг те бар. Яғни, бүгінде 5 күндік эмбрионның бүкіл хромосомаларын зерттеуге мүмкіндік бар. Осының арқасында патологиясы бар эмбрионды жатырға салмай тұрып диагностикалауға болады», деді ол Орталық коммуникациялар қызметінде өткен брифингіде.

Оның айтуынша, қазіргі технологиялардың арқасында ерлердің белсіздігін емдеудің түрлі тәсілдері бар.

«Экобағдарламалар аясында жүргізілетін емнің шамамен 50 пайызы ерлердің сырқатымен байланысты. Жалпы, бала сүйе алмай жүгінгендердің 40 пайызында - әйел бедеулігі, 30 пайызында - ерлердің факторы, қалғанында екіжақты фактор кездеседі. Ерлер факторы «эко» жасатуға жиі себеп болады. Тоқсаныншы жылдары ICSI технологиясы пайда болғаннан бері жұмыртқа жасушасына бір ғана cперматозоид салу арқылы ұрықтандыруға болатыны дәлелденді. Соның арқасында белсіз деп танылған ерлердің көбі өз кіндігінен шыққан бала сүю мүмкіндігіне ие болып отыр. Қазір донордың ұрығына сұраныс сирек», деді Вячеслав Локшин.

Соңғы жаңалықтар

Ұлы даланың ұлағаты

Аймақтар • Бүгін, 12:23

Ұстаздың аты өлмейді

Білім • Бүгін, 10:30

Карапастың қарқыны күшті

Спорт • Бүгін, 10:29

«Каспий» көш бастады

Спорт • Бүгін, 10:27

«Жас дарын» байқауы өтті

Аймақтар • Бүгін, 08:58

Элитадағы орнын сақтап қалды

Хоккей • Бүгін, 08:55

Адалдық пен шындықты шырақ етті

Қазақстан • Бүгін, 08:48

Ұқсас жаңалықтар