Панельдік сессиялар мен пікірталас алаңдарының бірінші күні БҰҰ-ның Тұрақты даму мақсаттарына, ұлттық құқық қорғау институттарына, адам саудасына қарсы күреске арналған «Адаморталық - болашақ мемлекетінің басымдығы» тақырыбымен өтті. Сонымен қатар қауіпсіздік, экология, денсаулық сақтау, білім беру мәселелері талқыланды.
Бірінші күннің іс-шараларына ҚР Парламенті Мәжілісінің депутаттары Д.Мыңбай, А. Құспан, И.Унжакова, Е. Абаканов, Л. Рамазанова, ЕҚЫҰ өкілі Диана Дигол, АҚЖКБ директоры Жовтис Евгений, БҰҰДБ Қазақстандағы Тұрақты өкілінің орынбасары Времиш Виталий, ҚР СІМ Ерекше тапсырмалар жөніндегі елшісі Сүлеймен Үсен, ҚР Адам құқықтары жөніндегі уәкіл Әзімова Эльвира, қазақстандық ҮЕҰ көшбасшылары мен қоғам белсенділері Марат Бәшімов, Айгүл Соловьева, Дидар Смағұлов, Мұрат Әбенов, Надежда Петухова, Бақыт Түменова, Нүркен Халықберген және басқалары қатысты.
Бірінші дискуссия кезінде қатысушылар Қазақстанның БҰҰ-ның Тұрақты даму мақсаттарын іске асыруы контекстіндегі негізгі стратегиялық бағдарларды белгіледі.
«Ұлттық құқық қорғау институттары – адам құқықтарының іргетасы» тақырыбын сараптамалық талқылау барысында қатысушылар Париж қағидаттарына сәйкес институционалдық және функционалдық тұрғыдан нығайта отырып, жұмыс істеп тұрған және құрылатын мамандандырылған құқық қорғау ұйымдарының қызметін қолдау қажеттігін атап өтті.
Форум қатысушылары Қазақстанда адам саудасына қарсы күрес тақырыбы өзекті екеніне және мемлекет, азаматтық қоғам және БАҚ тарапынан проблеманы шешуге неғұрлым жүйелі қатысуды талап ететініне ерекше назар аударды.
ЕҚЫҰ-ның «Әйелдер. Бейбітшілік. Қауіпсіздік. Азаматтық қоғамның рөлі» панельдік сессиясы барысында спикерлер мақсаттарға қол жеткізу үшін стереотиптерді жою керек екенін, әйелдердің шешім қабылдау процесіне қатысуы міндетті болуы керек екенін атап өтті. Олардың пікірінше, гендерлік аспектілер жоғары оқу орындарының оқу бағдарламаларына енгізілуі тиіс.
Қазіргі қоғамдағы денсаулық сақтаудың жаңа парадигмасының мәселелері бөлек қаралды.
Дискуссия барысында келесі ұсыныстар айтылды:
- ЖОО мен колледж студенттерінің жұқпалы емес аурулардың алдын алу негіздерін, олардың қауіп факторларын зерделеу және сырқаттануды көтеру кезінде студенттерді волонтерлік қозғалысқа тарту;
- Ауылдық жерлерде жұмыс істейтін жас мамандарды одан әрі оқыту үшін қолайлы жұмыс жағдайлары мен жеңілдіктер жасау;
- Оларды озық медициналық клиникаларда оқыту мүмкіндігін қамтамасыз ету;
- Оқушылар мен жасөспірімдерді тиімді сауықтыру бойынша ғылыми сүйемелдеу және ұсынымдар әзірлеу.
Спикерлердің пікірінше, жоғары оқу орындарындағы академиялық еркіндік қайта қарауды талап етеді.
«Олар білім беру сапасын арттыруға ұмтылса да, бәрі кері қайтарылуда», дейді пікірсайыс қатысушылары.
Сондай-ақ форумда дипломдарды сататын оқу орындарының атаулары жариялануы керек деген пікір айтылды.
Форумның бірінші күнінің соңында жоғары оқу орындарының азаматтық қоғамның әлеуетін нығайтудағы рөлі туралы панельдік пікірталас өтті.
